Huawei-dən ayrılaraq müstəqil brendə çevrilən HONOR, süni intellektə (AI) əsaslanan inkişaflarını sürətini azaltmadan davam etdirir. Belə ki, Çin texnologiya nəhənglərindən olan HONOR DeepSeek-R1 modelini smartfonlara inteqrasiya etməyə hazırlaşır.
Bundan əlavə, üni intellekt dəstəyi təkcə smartfonlara deyil, noutbuk seriyalarına da gəlir. Ümumiyyətlə, ChatGPT-nin bəlkə də ən böyük rəqiblərindən biri olan DeepSeek AI, yanvar ayında təqdim etdiyi R1 chatbot ilə diqqəti cəlb edərək, aşağı qiyməti və performansı ilə texnologiya dünyasında böyük təsir yaratmışdı. İndi isə HONOR, DeepSeek-R1-in ağıllı köməkçisi YOYO-nun yeni versiyasında istifadə ediləcəyini açıqlayıb. HONOR-a görə, YOYO-nun 130 milyondan çox aylıq aktiv istifadəçisi var və Deepseek inteqrasiyası təbii dilin işlənməsi, kontekstual anlayış və məntiqi əsaslandırmada əhəmiyyətli təkmilləşdirmələr təklif edir. HONOR-un məqsədi daha intuitiv, daha ağıllı və daha fərdiləşdirilmiş istifadəçi təcrübəsi təklif etməkdir.
Yeni çxıan xəbərə görə, DeepSeek-R1 MagicOS 8.0 və daha yuxarı əməliyyat sistemli HONOR telefonlarında istifadə oluna bilər. Yeniləməni əldə etmək üçün istifadəçilər YOYO köməkçisini 80.0.1.503 versiyasına yeniləməlidirlər. Hazırda Çin bazarı ilə məhdudlaşan inteqrasiyanın qlobal bazara yayılıb yayılmayacağı isə hələlik bəlli deyil. Xatırladaq ki, ilk elan edildiyi dövrdə rekordlar qıran DeepSeek daha sonra müxtəlif ölkə və regionlarda qadağan edilməyə başlanılmışdı. Əsas səbəb olaraq isə onun istifadəçilərin məxfiliyini pozması və ya qorumaması göstərilirdi.
