Bir dövrün əfsanəsi olan HDD qurğuları artıq tarixə qovuşur. Belə ki, Economic Daily və Sanli News mənbələrinə görə Tayvanlı HDD tədarükçüsü işçilərinin çoxu ilə yolları ayırıb və fabrikləri bağlayır. Məhz bu addımlar göstərir ki, bir zamanlar bütün cihazlarda istifadə olunan sadə və dözmlü HDD dövrü artıq sona çatır. Qeyd edək ki, HDD lövhələrinin səthini örtmək üçün istifadə olunan əsas film istehsalçısı olan Resonac da artıq öz fəaliyyətini dayandırır və işçilərini buraxır. SSD texnologiyası HDD-yə qalib gəldi.
Artıq müasir cihazlarda daha sürətli və daha səssiz işləyən SSD qurğusu istifadə olunur. Bu isə öz növbəsində HDD komponentlərini istehsal edən fabriklərin iflaslaşmasına, satışların aşağı düşməsinə səbəb olur. Yekunda isə HDD dövrü artıq sona çatır. United Daily News-un məlumatına görə, sentyabr ayında Tayvanın Xinzhu Elm Parkında yerləşən 40 şirkət 165 əməkdaşını işdən çıxarıb. Oktyabr ayında isə Xinzhu-dan 48 şirkət 496 işçini işdən çıxardı. Məhz bu ay isə Resonac demək olar bütün əməkdaşlarını işdən çıxarıb. Qeyd edək ki, şirkət Sinzhu şəhərindəki 600 nəfərin işlədiyi əsas fabrikini də bağlayır.
HDD satışları hər yeni texnologiyaya əsaslanan SSD qurğuları təqdim edildikdə azalmağa başladır. Əvvəllər cihazlara həm ssd, həm hdd qurğuları quraşdırılırdı. Lakin SSD qurğularının qiyməti də ucuzlaşdıqca buna ehtiyac qalmadı. Məlumata görə ən böyük HDD tədarükçüləri Seagate və WD satışları 2022-ci ildə əvvəlki ilə nisbətən 43% azalıb.
