Bildiyimiz kimi Samsung yeni smartfon seriyası üçün bir çox funksiya hazırlayır. İndi məlum olub ki, cənubi koreyalı şirkət Galaxy S24 seriyası üçün “AI Phone” ticarət nişanlarını qeydiyyatdan keçirərək yeni funksiyalar təqdim edəcək. Daha əvvəl də xəbər verdiyimiz kimi, yeni Galaxy S24 seriyası Exynos 2400 və Snapdragon 8 Gen 3 çipləri ilə debüt edəcək. Bununla belə son dövrdə orta çıxan məlumatlar göstərir ki, Samsung yeni smartfon seriyasında performasdan daha çox proqram təminatına önəm verəcək. Samsung artıq “AI Phone” və “AI Smartphone” nişanlarını qeydiyyatdan keçirib.
Adından göründüyü kimi, AI Phone adı altında təqdim ediləcək smartfon qabaqcıl süni intellekt alətlərinə sahib olacaq. Məhz indi Galaxy S24 seriyasının ilk AI Phone olacağı iddası ortaya atılıb. Əslində Galaxy S24 seriyasında süni intellekt xüsusiyyətlərinin olacağı əvvəldən məlum idi. Lakin smartfonun AI Phone olaraq təqdim edilməsi fikri gözlənilməz idi. Gələn ilin əvvəlində yəni bir neçə ay sonra yeni Galaxy S24 smartfon seriyası müxtəlif qabaqcıl süni intellekt texnologiyaları ilə bizlərə təqdim ediləcək. Samsung süni intellekt alətlərindən istifadə etməklə bütün rəqiblərini geridə qoya bilər.
Ümumiyyətlə Exynos 2400 və Snapdragon 8 Gen 3 bütün süni intellekt modellərini işlətmək üçün kifayət qədər güclüdür. Bu səbəbdən də şirkətin süni intellektdən istifadə etməməsi üçün heçbir maneə yoxdur. 17 yanvar tarixində ABŞ-da keçiriləcək tədbirdə cihazın hansı süni intellekt xüsusiyyətlərinə sahib olacağını birlikdə müşahidə edəcəyik.
