Twitter şirkətindən sonra Google da artıq uzunmüddət istifadə edilməyən hesabları siləcək. Belə ki, texnologiya nəhəngi 24 aydan çox aktiv olmayan hesabları siləcəyini bildirib. Ümumiyyətlə aktiv olmayan hesablar Google şirkətinin təhlükəsizlik siyasətini pozur. Google bildirib ki, uzunmüddətdir istifadə edilməyən hesablar aktiv hesabların sayından 10 dəfə çoxdur. Bu isə iki mərhələli təhlükəsizlik sistemi ilə qorunmayan passiv hesabları kiberhücumlara qarşı müdafiəsiz edir. Xatırladaq ki, Twitter şirkətinin əvvəlki CEO-su Elon Musk 1.5 milyard aktiv olmayan hesabın silinəcəyini bildirmişdi. Maraqlısı budur ki, Google həm gmail, həm YouTube məlumatları da daxil olmaqla son 2 il ərzində istifadə olmayan hesabların silinəcəyini bildirib.
Ümumiyyətlə texnologiya nəhəngləri bu addımı məhz aktiv olan hesabları qorumaq üçün atır. Həmçinin Google müdafiəsiz hesabların hakerlərin əlinə keçməməsi üçün dekabr ayından etibarən aktiv olmayan hesabları siləcək. Qeyd edək ki, hesablar silinmədən bir neçə ay əvvəl məlumat xarakterli məlumat əldə edəcək. Qeyd edək ki, istifadəçilər Google hesabına bağlı YouTube videolarını izləyərsə, Google diskdən istifadə edərsə və ya e-poçtlarını oxuyarsa o zaman həmin hesablar üçün heç bir təhlükə yoxdur.
Google və Twitter şirkətindən əlavə gələcəkdə daha çox şirkət uzunmüddət istifadə edilməyən hesabları silə bilər. Belə ki, aktiv istifadə edilməyən hesabların hər biri potensial təhlükə daşıyır. Məhz bu səbəbdən də yaxın gələcəkdə bir çox sosial şəbəkə eyni qərarı verə bilər. Hətta Meta şirkəti də Facebook və İnstagram üçün eyni qərarı elan edə bilər.
