Google, iOS-da Chrome istifadəçilərini hədəf alan əhəmiyyətli bir yenilik üzərində işləyir. Bu yeni xüsusiyyət ilə Safari-dən Chrome-a keçmək istəyənlər brauzer məlumatlarını idarə olunan sistemdən istifadə edərək köçürə biləcəklər. Əlfəcinlər, tarixçə, yadda saxlanılan şifrələr və ödəniş məlumatları bu prosesə daxil ediləcək. Bu addımla Google, Apple istifadəçilərinin Safari əvəzinə Chrome-dan daha çox istifadə etməsinə ümid edir.
Bildiyimiz kimi indiyə qədər iOS-da brauzerlərin dəyişdirilməsi masaüstü ilə müqayisədə olduqca çətin idi. Safari sistemlə dərin inteqrasiyası səbəbindən üstünlüyə malik idi. Google-un bu addımı Chrome-a keçidin ən böyük maneələrindən birini aradan qaldırmağı hədəfləyir. Ümumiyyətlə isə hazırda bu funksiya Chrome-un TestFlight beta versiyasında sınaqdan keçirilir.
Tezliklə bütün istifadəçilər üçün tətbiq olunacağı gözlənilir. Bu addım iOS tərəfində Apple-Google rəqabətində tarazlığı bir qədər dəyişə bilər. Qeyd edək ki, daha əvvəl də Apple şirkətinin Google ilə razılaşma əldə etdiyi və Siri-də ChatGPT yerinə Gemini istifadə edəcəyi ortaya çıxmışdı. Google-un yeni addımı isə Apple ilə biraz daha yaxınlaşmasına səbəb olacaq.
