Bildiyimiz kimi, ötən günlərdə əvvəlcə OpenAI daha sonra isə Google süni intellekt məhsulları ilə bağlı tədbirlər həyata keçirdi. Belə ki, OpenAI yeni GPT-4o modelini, Google isə onlarla yeni süni intellekt alətini texnologiya həvəskarlarına təqdim etmişdi. İndi isə Google CEO-su Sundar Pichai verdiyi müsahibədə olduqca maraqlı fikir irəli sürüb. Google Ceo-su OpenAI şirkətinin şirkətinin süni intellekt təlimində YouTube məzmunlarından istifadə edib-etmədiyini öyrənəcəyini bildirib. Xatırladaq ki, ötən günlərdə OpenAI şirkətinin süni intellektini öyrətmək üçün milyon saata yaxın YouTube videolarından istifadə etdiyi irəli sürülmüşdü.
“New York Times” qəzetinin yazdığına görə, Google, OpenAI şirkətinin Google-un qaydalara əməl edib-etmədiyini öyrənmək üçün lazım olan bütün alətlərə və texnologiyaya sahib olduğunu iddia edir. CNBC-yə müsahibəsində Pichai, “Əlavə edəcəyim bir şey yoxdur. Bizim aydın xidmət şərtlərimiz var. Biz şirkətlərlə qarşılıqlı əlaqədə oluruq.Əminik ki, xidmət şərtlərimizə əməl edirlər. Və biz bunu anlayacağıq” deyə açıqlama verib. O cümlədən Pichai, video yarada bilən mürəkkəb süni intellekt modelini öyrətmək üçün YouTube-dan məzmundan istifadə etdiyi aşkar edilərsə, OpenAI-ni “ifşa edəcəyinə” söz verdi.
Mart ayında OpenAI sözçüsü Mira Murati Wall Street Journal-a YouTube videolarının OpenAI-nin bu ilin əvvəlində təqdim etdiyi Sora AI modeli üçün təlim məlumatlarının bir hissəsi olub olmadığına əmin olmadığını bildirmişdi. Muratinin sözlərinə görə, OpenAI “ictimaiyyətə açıq və lisenziyalı məlumatlara” əsaslanırdı. Daha sonra New York Times etibarlı mənbələrə istinadən iddia etdi ki, OpenAI “YouTube-da bir milyon saatdan çox video məzmundan istifadə edib”.
