Bu gün texnologiya inkişaf etsə də, bəzi səhvlərin və yanlışlıqların olduğu danılmazdır. Belə ki, bir çox tətbiq və proqramda bəzən istifadəçilər problemlərlə rastlaşa bilir. Məhz bu proqramlardan biri də, Google Maps proqramıdır. Maraqlısı budur ki, bu dəfə Google şirkətinin Maps proqramına qarşı qaldırılan iddia sadə səhvlər toplusundan ibarət deyil. ABŞ-da Philip Paxson adlı şəxsin ailəsi şirkəti onun ölümünə səbəb olduğuna görə məhkəməyə verib. Deməli, vəziyyət budur ki, Philips 2022-ci ilin sentyabrında avtomobilə səyahət edərkən Google Maps tətbiqində göstərilən marşrutdan istifadə edib. Lakin bunun sonu heç də yaxşı bitməyib.
Əslində gündəlik bir çoxumuz Google Maps o cümlədən, digər xəritə proqramlarında səhvlər ilə qarşılaşırıq. Lakin Philips-in qarşılaşdığı bu səhv onun ölümünə səbəb olub. Belə ki, proqramın verdiyi marşrut üzrə hərəkət edən Philips qəflətən çaya düşüb və təəssüf ki, hadisə yerindəcə dünyasını dəyişib. Səbəb isə marşrutun qırıq körpü üzərindən keçməsi olub. İndi isə Philips-in ailəsi iddia edir kİ, xəritə onu dağılmış körpüdən keçməyə vadar edib və ölüm ilə üz-üzə qoyub.
Ümumiyyətlə bu gün dünyada milyonlarla istifaədçi naviqasiya tətbiq və proqramlarından istifaəd edir. Bu proqramlar bizim üçün əvəzolunmaz rola malikdir. Çünki dünyanın istənilən nöqtəsinə bu proqramlar vasitəsi ilə səyahət edə bilərik. Təbii ki, proqramlar köhnəldiyi üçün bəzi problemlər ilə qarşılaşmaq mümkündür. Lakin Philips-in başına gələn bu hadisə hərkəsin ağlına bir sual gətirir həqiqətən də Google Maps insanların ölümünə səbəb olur? Onu da qeyd edək ki, şirkət ailəyə yaranmış bədbəxt hadisə ilə bağlı başsağlığı verib və bu mövzunun ətraflı araşdırılacağını bildirib.
