Dünyanın ən böyük axtarış sistemi olan ABŞ mərkəzli Google, gələn aydan etibarən istifadə olunmayan hesabları siləcəyini rəsmi olaraq açıqlayıb. Əslində daha əvvəl bir çox texnologiya nəhəngi istifadə olunmayan hesabları silmək barədə qərar alıb. Bu qərar əsasən sosial mediaların və ya axtarış sistemlərinin etibarlılığını artırmaq üçün alınır. Şirkətlər çoxdandır istifadə olunmayan hesabları silməklə botların və digər zərərli alətlərin platformadakı avtivliyini də azaldır. Daha əvvəl oxşar qərarı Twitter də qəbul etmişdi. Hətta istifadə olunmayan bəzi hesablar silindikdən sonra adları satışa çıxarılmışdı.
Google xidmətləri üzrə təhlükəsizliyi artırmaq üçün bir müddət əvvəl hesab siyasətində dəyişiklik etmişdi. Bu dəyişikliyə əsasən Google isə iki və ya daha çox il istifadə olunmayan hesabları platformadan siləcək. Həmçinin bu hesablara aid bütün şəxsi məlumatlar da məhv ediləcək. Qeyd edək ki, şirkət gələn aydan etibarən yeni qərarı icra edəcək. Lakin yenə də Google qərar icra edilməmişdən əvvəl hesablara çoxlu sayda maillər göndərir. Məhz bu maillər cavabsız qaldıqdan sonra isə istifadə edilməyə hesablar əbədi olaraq silinir.
Xatırladaq ki, Google ilk olaraq may ayında təhlükəsizlik siyasətində dəyişiklik etmişdi. İndi isə şirkət bu qərarı icra etmək üçün işə qoyulur. Artıq dekabr ayından etibarən istifadə olunmayan Google hesabları platformadan silinəcək. İstifadəçilər köhnə, istifadə etmədikləri hesablarının silinməsinin qarşısını almaq üçün sadəcə giriş məlumatlarından istifadə edərək Gmail, Drive, YouTube kimi Goole servislərindən birinə daxil olmalıdır. Məhz bundan sonra Google hesabın istifadə edildiyini gördüyü üçün əməliyyatı dayandıra bilər.
