Ötən günlərdə Google şirkəti I/O 2023 tədbirində bir çox yeni funksiyalarını, xüsusiyyətlərini və yeni smartfonlarını təqdim etmişdi. İndi isə texnologiya nəhənglərindən olan Google şirkəti iPhone istifadəçilərinə daha çox imkanlar yaradaraq daha ucuz qiymətə Pixel Fold təklif edir. Ümumiyyətlə texnologiya nəhənginin əsas məqsədlərindən biri məhz iPhone istifadəçilərini öz məhsullarına yönəltməkdir. Belə ki, şirkət iPhone istifadəçilərinin smartfonlarını yüksək qiymətə alaraq onlara Google Pixel Fold smartfonunu təklif edir. Bununla isə texnologiya nəhəngi bir çox iPhone istifadəçisinin öz məhsuluna keçid edəcəyini düşünür.
Ümumiyyətlə bir çox iPhone istifadəçisi Apple şirkətinin qatlanan smartfon istehsal etməməsindən narahtdır. Bundan istifadə edən Google şirkəti isə iPhone istifadəçilərinə daha ucuz qiymətə ilk qatlanan smartfonu olan Pixel Fold modelini təqdim edir. Qeyd etmək lazımdır ki, texnologiya nəhəngi iPhone smartfonlarına çox yüksək qiymət təklif edir. Belə ki, bu qiymət Apple şirkətinin təklif etdiyi vəsaiti belə ötür. Bəzi insayderlər iddia edir ki, artıq bir çox iPhone istifadəçisi təklifi dəyərləndirərək yeni Pixel Fold smartfonunu əldə edib. Qeyd edək ki, texnologiya nəhəngi Apple brendinin ötən aylarda təqdim etdiyi yeni iPhone 14 Pro modelinə 900$ təklif edir. Bu qiymət demək olar ki, smartfonun yenisinə çox yaxındır. Bununla da Google şirkətinin əsas məqsədi ortaya çıxır.
Gələn ay 1799$ qiymətə satışa çıxacaq Google Pixel Fold smartfonunu iPhone istifadəçilərinə 800-900$ endirim ilə təklif olunur. Ümumiyyətlə texnologiya nəhəngi yeni Pixel Fold smartfonunu əldə edən hər bir istifadəçiyə əlavə məhsullar da hədiyyə edir. Belə ki, Google Pixel Fold smartfonunu əldə edənlərə Pixel Watch ağıllı saatını da hədiyyə edəcək. Qeyd edək ki, Apple iPhone 13 Pro modeli üçün sadəcə 530$ təklif etdiyi halda Google 850$ təklif edir. Görünən odur ki, Google yeni smartfonunu maksimum şəkildə çox satmağa çalışır.
