Google şirkəti ABŞ-da bir daha məhkəmədə uduzub. Belə ki, Google məhkəmədə uduzduğu üçün Google axtarış sistemi istifadəçiləri maddi təzminat əldə edəcək. 2010-cu ildə bir qrup Google axtarış sistemi istifadəçisi şirkəti məhkəməyə vermişdi. Buna əsas səbəb isə məlumatların üçüncü tərəflərə ötürülməsi olub. Nəhayət ABŞ məhkəməsi 13 ildir ki, tamamlanmayan məhkəmə işində yekun qərarı verib. Beləliklə Apple axtarış sorğularını 3-cü tərəflərə təqdim etməklə şəxsi həyatın toxunulmazlığını və məxfiliyini pozub. Məhz bu səbəbdən də texnologiya nəhəngi 23 milyon dollar təzminat ödəməli olub.
Təbii ki, bu gün Google kimi nəhəng şirkət üçün 23 milyon dollar elə də böyük məbləğ hesab olunmur. Lakin ümumilikdə bu məbləğin məhkəmə iddaçıları arasında paylaşdırılması müəyyən gəlir əldə etməyə imkan verir. Təəssüf ki, 10 ildən çoxdur uzanan məhkəmə prosessinin sonunda iddiaçılar sadəcə kiçik məbləğ əldə edərək kifayətləniblər. Buna səbəb isə onların sayının çox olmasıdır. Hazırda hər bir iddaçıya düşən məbləğ sadəcə 7.70 dollar təşkil edir. Lakin bu məbləğ daha da azala bilər. Çünki iddiaçıların sayın hələ 31 iyula qədər arta bilər. Belə ki, 25 oktyabr 2006 və 20 sentyabr 2013-cü illər arasında Google axtarış sistemi istifadəçisi olmuş hərkəs təzminat əldə etmək üçün məhkəməyə iddaçı kimi müraciət etməli, yəni qeydiyyatdan keçməlidir.
Qeyd edək ki, oxşar iddia 2010-cu ildə digər bir iddiaçı qrup tərəfindən qaldırılsa da, texnologiya nəhəngi sadəcə 8.5 milyon dollar ödəməklə bu məsələni 2015-ci ildə həll edib. Lakin daha sonra iddiaçılar həmin məbləğə etiraz edib və məhkəmə işi uzanıb. Yekunda isə ötən il müvəqqəti barışıq sazişi imzalanıb. Hal-hazırda tərəflər 12 oktyabr tarixinə qədər barışıq elan edib. Bu tarixdən sonra isə Google yeni bir iddianı həll etməli olacaq.
