Google süni intellekt bazarında OpenAI şirkətinin potensial rəqibi olan Anthropic startapında 2 milyard dollar həcmində sərmaye edir. Qeyd edək ki, Anthropic OpenAI üçün ən böyük rəqiblərdən biridir, o cümlədən bu startap geniş miqyaslı süni intellekt dil modellərinin hazırlanmasında ixtisaslaşıb. Wall Street Journal mənbəsinə görə isə Google böyük məbləğdə sərmaye ilə OpenAI və Microsoft şirkətlərinə rəqib olmaq istəyir.
Texnologiya nəhəngi startapa əvvəlcədən 500 milyon dollar sərmaye ayıraraq öz planını həyata keçirməyə başlıyacaq. Geri qalan məbləği isə startapın bu gün bazardakı bütün süni intellekt sistemlərindən 10 qat daha səmərəli dil modeli hazırlaması üçün istifadə olunacaq. Qeyd edək ki, Anthropic startapı və ya şirkəti 2021-ci ildə OpenAI şirkətinin inkişaf departamentinin əvvəlki rəhbərləri tərəfindən qurulub. Bundan əlavə Anthropic hazırda ChatGPT bənzəri Claude 2 modelinin də yaradıcısıdır. Bu dil modeli eynilə ChatGPT kimi mətn yazmaq, proqram kodu yaratmaq və riyazi məsələləri həll etmək kimi bir çox bacarığa malikdir.
Şirkət əlavə olaraq Claude 2 modelindən daha məhdud xüsusiyyətlərə və daha ucuz qiymətə sahib olan Claude Instant modelini də təklif edir. Hər iki dil modeli veb interfeysi vastəsi ilə istifadəçilərə təqdim olunur. Anthropic, ChatGPT-yə qarşı üstünlük əldə etmək məqsədi ilə, hər iki modelində böyük həcmdə söz limiti təyin edib. Belə ki, istifadəçilər bir dəfəyə 70 minə qədər söz yazaraq istədiklərini əldə edə bilərlrə. Əslində 2 milyard dollarlıq sərmaye Google tərəfindən Anthropic startapına edilən ilk dəstək deyil. Daha əvvəl də texnologiya nəhəngi startapın 10% hissəsini 300 milyon dollar qarşılığında almışdı. Habelə bu ilin may ayında əlavə olaraq 450 milyon dollar dəstək göstərmişdi. Amazon şirkəti də startapa ötən ay 4 milyard sərmaye ayırmışdı. İndi isə Google Amazondan sonra 2 milyar dollar məbləğində dəstək göstərəcək.
