ABŞ vətəndaşlarına elektrikli avtomobillərinin alınmasına subsidiya verməklə inflyasiyanı yenəcəyini vəd Joseph Biden-in səlahiyyət müddətinin birinci yarısında Ford Motor Company, öz məhsul çeşidini elektrik enerjisinə çevirməkdə maraqlı idi. İndi isə Ford şirkətinin istehsal etdiyi hər elektromobil üçün 100 min dollardan çox zərərə uğradığı bildirilir.
Bloomberg xəbər agentliyi öz anonim mənbələrinə istinadən verib ki, Ford hər elektromobil istehsalında 100 min dollar itirir. Onların məlumatlarına görə, Ford ötən ilin birinci rübündə istehsal etdiyi hər elektrik avtomobilinə görə 50 min dollar itirdiyi halda, bir il sonra bu zərər iki dəfə artaraq 100 min dollara çatıb. Bloomberg proqnozlaşdırır ki, işlər bu şəkildə davam edərsə, bu ilin sonuna qədər elektrik avtomobillərindən gələn itkilər, daxili yanma mühərrikli Ford avtomobillərinin istehsalından əldə edilən gəlirləri demək olar ki, tamamilə kompensasiya edəcək. Aprel ayında analitiklərlə görüşdə Ford rəhbərliyi izah etmişdi ki, şirkətin elektromobil qiymətlərinin azalmasına mütənasib olaraq xərcləri azaltmağa vaxtı yoxdur. Bununla yanaşı, şirkət cari ilin sonuna qədər öz elektromobil biznesində xərclərin azaldılması üçün mümkün olan hər şeyi edəcəyinə söz verib.
Böhrandan çıxmağın variantlarından biri kimi 2026-cı ildə bazara daxil olacaq və ikinci ildə satışından qazanc əldə edə biləcək 25 000 dollar qiymət aralığında kiçik ölçülü sərfəli elektromobillərin buraxılması təklif edilir. Ford rəhbərliyi klassik daxili yanma mühərrikli avtomobillərin istehsalı biznesindən asılı qalmamaq üçün şirkətin elektrik avtomobil bölməsini özünü təmin edən hala gətirməyi hədəfləyir. Bloomberg-in məlumatına görə, Ford öz təchizatçılarından, o cümlədən SK On və LG Energy Solution, eləcə də Çinli CATL şirkətlərindən dartma batareyalarının alışını azaldır. Ford bu il elektrik avtomobil seqmentində 5,5 milyard dollar itirəcəyini gözləsə də, əsas xərcləri 12 milyard dollar azaltmağı hədəfləyir.
