Çin nadir torpaq metallarının ixracı ilə bağlı mövcud məhdudiyyətlərə əlavə olaraq, sentyabrın 15-dən etibarən günəş panelləri, qurğuşun-turşu batareyalar, odadavamlı materiallar və bir sıra müdafiə sistemləri istehsal edən xarici istehsalçıların istifadə etdiyi stibium materialına da məhdudiyyət qoyur. Qeyd edək ki, Çin dünyada olan stibium ehtiyatının 48%-nə nəzarət etdiyi üçün bu məhdudiyyət xarici alıcıları daha çox problemlə təhdid edir.
TrendForce-un istinad etdiyi bəzi məlumatlara görə, istehsalçılar tərəfindən alınan stibiumun təxminən 20 faizi günəş panellərinin istehsalına, qalan hissəsi isə qurğuşun-turşu akkumulyatorlarının istehsalına sərf olunur. Ənənəvi olaraq, milli təhlükəsizliyin qorunması bəhanəsi ilə Çin stibium ixracına məhdudiyyət tətbiq etmək qərarı alıb. Nüvə silahı elementləri, gecəgörmə cihazları və zirehli metal təbəqələrin istehsalında stibiumun-da istifadə olunduğunu nəzərə alsaq Çin bu addımı müəyyən səbəblərə dayanaraq atır.
Çin ötən il dünya bazarına 83 min ton stibium tədarük edib ki, bu da bazarın 48%-ni təşkil edir. Tacikistan (21.000 ton), Myanma (4.600 ton) və Türkiyə (6.000 ton) Çinin məhdudiyyətləri altında qalan ölkələr üçün alternativ tədarükçülər kimi çıxış edə bilər, lakin Çindən kənarda element qıtlığı olacağı üçün material qiymətləri qaçılmaz olaraq artacaq.
