Dünyanın ən varlı iş adamı statusunu özündə saxlamağı bacaran və hazırda SpaceX, Tesla kimi şirkətlərin rəhbərliyini həyata keçirən Elon Musk zərərli maddə istifadə edirmiş. Belə ki, The Wall Street Journal dərc etdiyi məqalədə Elon-un zərərli maddə istifadə etdiyindən və Tesla, SpaceX şirkətlərinin idarə heyətinin o cümlədən investorların bundan narahat olduğunu bildirib.
Ümumiyyətlə Elon Musk-ın bütün tədbirlərdə və ya çıxışlarında qeyri-adi davranışları, o cümlədən hərkəsə zidd düşüncələrə sahib olması onun barəsində iddialar ortaya çıxmasına səbəb olmuşdu. Daha sonra isə Elon Musk-ın Asperger sindromuna sahib olması onun bütün qeyri-adi və əsəbi davranışlarının nədən qaynaqlandığı sualına cavab olmuşdu. The Wall Street Journal-a görə isə Elon Musk zərərli maddə istifadə edir və onun bu hərəkəti şirkətin rəhbərləri, idarə heyəti üzvləri və ona yaxın digər şəxslər arasında narahatlıq hissi yaradır.
Hətta məqalədə Musk-ın qardaşı Kimball Muskın da bu vəziyyətdən narahat olduğu bildirilib. O cümlədən Musk-ın şirkət rəhbərləri ilə birlikdə zərərli maddə istifadə etməsi də iddialar arasındadır. Belə ki, Tesla şirkətinin keçmiş icraçı direktoru Linda Johnson Rice zərərli maddə istifadəsi və qeyri-sabit davranışı səbəbindən şirkəti 2019-cu ildə tərk etdiyi iddia olunub. Qeyd edək ki, Elon-un artıq bir neçə ildir ki, zərərli maddə istifadə etdiyi ortaya çıxıb. Hələlik isə bu vəziyyət ilə bağlı sadəcə iddialar mövcuddur.
