Dünyanın ən zəngin iş adamı olan Elon Musk SpaceX, Tesla kimi nəhəng şirkətlərdən sonra bu dəfə xAI süni intellekt şirkətini də qurdu. Ötən aylarda Twitter platformasında etdiyi yeniliklər ilə şirkəti çətin vəziyyətə salan Elon bu dəfə tamamilə fərqli sahəyə daxil olur. Beləliklə ötən aylarda Elon Musk tərəfindən qurulan şirkət rəsmi olaraq təqdim olunub və fəaliyyətə başlayıb. Hətta bu barədə milyarder rəsmi twitter hesabında paylaşım edib.
ABŞ-ın Nevada ştatında yerləşən və Elon Musk tərəfindən qurulan xAI şirkətini yaxın gələcəkdə bütün dünya tanıya bilər. Çünki şirkət hazırda OpenAI ilə rəqabətə girməyə hazırlaşır. Hətta şirkət ChatGPT süni intellekt çatbotuna rəqib ola bilər. Qeyd edək ki, şirkət ilk mərhələdə məhsuldar süni intellekt mövzusunda araşdırma edəcəyini xəbər verib. Yeni qurulan şirkətin əsas məqsədi və missiyası məhz kainatın əsl mahiyyətini anlamaqdır. xAI komandasına birbaşa olaraq Elon Musk özü rəhbərlik edəcək. Buna görə də yeni şirkət gələcəkdə inanılmaz layihələrə imza ata bilər. Elon qeyd edir ki, şirkət bəşəriyyətin xeyrinə olacaq yeni süni intellekt hazırlayacaq.
Maraqlısı budur ki, hazırda şirkətin komandasının əksəriyyəti Google, DeepMind və OpenAI kimi süni intellekt nəhənglərinin keçmiş işçilərindən ibarətdir. Məhz bu səbəbdən yeni xAI şirkəti çox iddialıdır. Elon süni intellektə çox böyük maraq göstərir. Hətta ötən günlərdə milyarderin minlərlə qrafik kart alması diqqətləri cəlb etmişdi. Lakin bunun yeni şirkət ilə əlaqəli olub olmadığı hələlik məlum deyil. Musk qeyd edib ki, 14 iyul tarixində keçiriləcək Twitter Space sessiyasında şirkət barədə daha çox məlumat verəcək.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
