Twitter platformasını alması ilə gündəmdən düşmək bilməyən Elon Musk bu dəfə platformanın adını və loqosunu dəyişdirir. Belə ki, bu barədə milyarder özü məlumat verib. Hətta platformanın yeni adı və loqosu da məlumdur. Elon Twitter platformasının adını X ilə əvəz edəcək. Hətta platformanın adresi də twitter.com-dan X.com-a keçəcək. Ümumiyyətlə Musk son dövrlərdə Twitter platformasında etdiyi “yeniliklər” ilə gündəmdən düşmürdü. Hətta bu yeniliklər səbəbindən bir çox istifadəçi və bir çox işçi platformadan ayrılmışdı. Daha sonra isə işlərin düzgün getmədiyinin şahidi olan Elon yerinə yeni CEO gətirmişdi.
Elon Musk Twitter platformasının CEO vəzifəsinə Linda Yaccarinonu gətirməsinə baxmayaraq platformanın adını və loqosunu dəyişdirir. Ötən gün Elon öz twitter hesabında yeni loqo ilə bağlı tizer videosu da paylaşıb. Hətta qısa videoda görünür ki, twitterin mavi quş loqosu X ilə əvəzlənir. Əslində Elon twitter platformasını elə bu məqsədlə almışdı. Belə ki, milyarder 40 milyon dollara platformanı alarkən elan etmişdi ki, bu addım X şirkətini qurmağı sürətləndirəcək. Hətta Elonun X brendi uzunmüddətdir ki, gündəmdədir. Belə ki, milyarder 2017-ci ildə PayPal-dan X.com sahibliyini almışdı. Qeyd edək ki, PayPal 1999-cu ildən bəri X.com adresinə sahiblik edirdi.
Ötən il Elondan Twitter platformasını alması baş tutmazsa, öz platformasını quracaqmı? sualı soruşulmuşdu. Milyarder isə cavabında X.com demişdi. Görünən odur ki, Elon twitter almamışdan əvvəl məhz bu planı qururmuş. Bundan əlavə ötən günlərdə Elon süni intellekt şirkəti olan xAI qurmuşdu. Bu şirkət ilə o yeni süni intellekt alətləri yaratmaq və Tesla, SpaceX şirkətlərinin süni intellekt sahəsindəki inkişafına dəstək olmaq istəyir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
