Çox təəssüf ki, hər şey həmiş müsbət istiqamətdə irəliləmədiyindən bəzən atılan addımlar gözlənilməyən mənfi nəticələr doğurur. Ötən günlərdə Elon Musk, Twitter platformasını satın aldıqdan sonra 3.95 milyard dollar dəyərində 19.5 milyon ədəd Tesla səhmini rəsmi olaraq satdı. Elon Musk bununla bağlı açıqlama verməsə də səhmlərin Twitter səbəbilə satıldığı ehtimal edilirdi. Belə ki, dünən Tesla səhmlərinin satılmasının səbəbinin həqiqətən Twitter olduğu məlum oldu. Verilən məlumata görə Elon Musk, Twitter platformasının əhəmiyyətli borcları səbəbilə şirkətin iflas etməməsi üçün çalışır. Lakin Twitter platformasının “özünə olmayan xeyiri” digər bir tərəfdə “Tesla” şirkətinin də dəyər itirməsinə səbəb olur.
Twitter platformasının ümumi həcmi 10 milyard dollar üzərində olan borcunun 1,2 milyard dolları 12 ay ərzində ödənilməlidir
Twitter platformasının alışı üçün Elon Musk-ın bir çox bank və şirkət ilə əməkdaşlıq etdiyi məlumdur. Lakin İyun ayının sonundan etibarən Twitter platformasının sürətlə dəyər itirməsi alış sonrası borcların ödənilməsinə kifayət etmir. Şirkətin işçilərinin böyük bir qisminin ixtisarı və abunəliyin tətbiq edilməsinin səbəbi də məhz xərcləri minimuma endirmək, gəlirlərli artırmaqdır. Hətta Twitter platformasının gəlirlərinin 50%-lik hissəsinin məhz abunəlik ilə əldə edilməsi planlaşdırılır ki, şirkət bir çox əməkdaşlığını itirdiyi üçün Elon Musk bu tip yollarla platformanı iflas etməkdən qurtarmağa çalışır. Qəribə bir fakt da olsa əvvələr işçilər üçün pulsuz olan yeməklər belə, qeydlərə görə artıq ödəniş qarşılığında satılır.
Nəticədə Elon Musk platformanın yaratdığı təqribi 13 milyard dollar olduğu ehtimal edilən borcu ödəmək məcburiyyətindədir. Digər bir tərəfdən də platformanın ayaqda qalması üçün gəlir lazımdır. Ona görə də Elon Musk hamımızın tanıdığı Tesla şirkətinin hissələrini satmağa başlayıb. Lakin qeyd etdiyimiz kimi 3.95 milyard dollarlıq nəhəng Tesla səhmlərinin satılması da bazara mənfi təsir edib.
Bunu eşidən başqa Tesla səhmdarları narahat olaraq öz səhmlərini əldən çıxarmağa başlayıblar. Tesla səhmdarlarının fikrincə Elon Musk öz diqqətini Twitter platformasına ayırdığından Tesla dəyər itirməyə davam edəcək. Hesablamalara görə, Elon Musk bu ilin əvvəli satdığı Tesla hissələrinin birini təqribən 885 dollardan təklif etmişdi. Lakin səhmlərin qiyməti o qədər aşağı enib ki, hal-hazırda son 3.95 milyard dollarlıq səhm satışında hissələrdən birinin qiyməti ortalama olaraq 202 dollar səviyyələrində dəyişib. Beləliklə, Tesla şirkətinin 2022-ci il ərzində sırf Elon Musk tərəfindən satıldığı ümumi səhm dəyəri 19,4 milyard dolları keçib. Analitiklərin fikrincə şirkət rəhbəri Twitter platformasına olan fokusunu bu cür davam etdirsə, Tesla da çox ciddi formada dəyər itirməyə davam edəcək.
