Yəqin ki, çoxları başlığı oxuduqdan sonra “camaatın babasının zirzəmisindən gör nələr tapılır” fikri ilə xəbərə daxil olacaq. Zarafat bir yana, belə bir maraqlı təsadüfi yaşamaq üçün çox şanslı olmaq lazımdır. Reddit platformasındakı “c-wizz” ləqəbli bir istifadəçi bir neçə gün əvvəl babasının evindəki zirzəmidən çəkdiyi köhnə bir kompüterə aid şəkli öz hesabından bölüşüb. Paylaşılan şəkildəki kompüteri araşdırmağa başlayan digər Reddit istifadəçiləri kompüterin Librascope tərəfindən istehsal edilən olduqca nadir və antikvar bir kompüter olduğunu aşkarlayıblar. Hətta 1956-cı ildə istehsal edilən LGP-30 adlı kompüter o qədər köhnədir ki, Apple kompüterlərinin belə tarixi 1976-cı ilə dayanır.
Aşkarlanmış antikvar kompüter 1956-cı ildə belə 47 min dollara satılıbmış
LGP-30 öz dövrü üçün nisbətən kiçik və yüngül bir kompüter olub. Lakin buna baxmayaraq rəqibləri o qədər ağır olub ki, bu antikvar kompüter 363 kq çəkisi ilə yüngül hesab edilib. LGP-30 modeli 113 vakuum borusu və 1450 yarımkeçirici dioda, 120 kHz işləmə tezliyinə və 15.8 Kb yaddaşa sahib idi. Bütün bunlar üçün isə 1500 Vatt enerji sərf edirmiş.
Vaxti ilə inşaat mühəndisliyində hesablamalar üçün işlədilən bu kompüter qeydlərə görə təqribi 45 ədəd istehsal edilib. Az istehsal edilməsi isə qiymətinin baha olması və tələbin azlığından qaynaqlanıb. Həmin 45 ədəd Librascope imzalı LGP-30 kompüterinin mövcudluğuna dair indiyə qədər heç bir məlumat mövcud olmayıb. Antikvar kompüter LGP-30 modeli 1956-cı ildəki qiymətini inflyasiyaya uyğunlaşdırıldıqdan sonra LGP-30 bugünkü pulla təxminən 513.000 dollar dəyərə sahibdir. Lakin kompüter həm işləmədiyi üçün, həm də alıcılıq potensialı aşağı olduğu üçün böyük bir ehtimalla satılmayacaq.
