Dünyanın ən zəngin adamı tituluna sahib olan Elon Musk, Tesla şirkətinin CEO vəzifəsindən istefa edərək yerini başqa bir adama verməyi planlaşdırır. Belə ki, PingWest media şirkətinin xəbərinə görə, Tesla CEO-su olan Elon Musk öz yerini Tom Zhu Xiaotongu adlı mühəndisinə verməyə hazırlaşır. Qeyd edək ki, Tom Zhu Xiaotongu hal-hazırda şirkətin Çin filialına rəhbərlik edir və şirkətin əsas ixracat mərkəzi olan Gigafactory-nin inkişafına nəzarət edir.
Teslanın yeni CEO-u olmağa hazırlaşan Tom Zhu Xiatongu kimdir?
2003-cü ildə Kaliforniya şəhərində qurulan Tesla şirkətinin yeni CEO-u olmağa hazırlaşan Tom Zhu Xiatongu, şirkətə 2014-cü ildə qoşulub. Belə ki, o ilk dəfə Tesla Supercharger proqramının direktoru olub. Sonralar isə Tom öz bacarığı və istedadı ilə digərlərindən fərqlənərək şirkətin qlobal vitse-prezidenti və Çin filialının rəhbəri vəzifəsinə yüksəlib. İndi isə Elon Musk, iddialara görə öz vəzifəsinə yəni Tesla şirkətinin CEO-u təyin etməyə hazırlaşır.
Qeyd edək ki, hər zaman şirkətin direktoru olmaqdan nifrət etdiyini bildirilən Elon Musk, nəhayət istədiyini edəcəkmiş kimi görünür. Elon Musk, Tesla baş icraçı direktoru olduğu illər ərzində həmişə onu əvəz edəcək heç kim olmadığı üçün CEO olduğunu deyib.
Əlavə olaraq qeyd edək ki, bu yaxınlarda Twitter şirkətini alan Elon, yeni bir problemlə qarşılaşıb. Belə ki, sosial şəbəkədə etdiyi yeniliklərlə gündəmdən düşməyən Elon, bir çox işçi tərəfindən məhkəməyə verilib. Qeyd edək ki, Twitter şirkətini aldıqdan sonra yüzlərlə işçini qovan Musk, məhz həmin işçilər tərəfindən məhkəməyə verilib. Onlar 60 günlük xəbərdarlıq müddəti təqdim olunmadan işdən çıxarıldıqları üçün maddi təzminat tələb edirlər.
