Bildiyimiz kimi, Marsda yeni həyat qurmaq uzun müddətdir ki, planlaşdırılır. Elon Musk isə ictimaiyyətə Marsa bir milyon insanı necə göndərəcəyini açıqlayıb. İlk növbədə Elon, Starship 3 raketləri ilə Marsa təxminən bir milyon insan göndərməyi planlaşdırır. Milyarder bəşəriyyətin Marsı necə zəbt edəcəyini də izah edib. Bununla bağlı SpaceX bazasında kiçik bir tədbir keçirildi və Elon burada 40 dəqiqə ərzində SpaceX-in kosmosu necə fəth edəcəyi barədə qısa çıxış edib.
Maskın sözlərinə görə, şirkət artıq indidən gələcəkdəki ciddi kosmik missiyalar üçün zəmin yaradır. Hazırda əldə edilmiş ən böyük uğur isə raket hissələrinin yenidən istifadə oluna bilməsidir. İndi şirkət, bir tərəfdən, Starship-i mükəmməlliyə çatdıracaq, digər tərəfdən isə istehsal gücünü artıracaq, çünki Qırmızı planeti fəth etmək yüzdən çox roket tələb edir. Elon Musk Marsa bir milyon insan göndərilməsi üçün yeni texnologiyalar ehtiyac duyulduğunu da etiraf edib. Belə ki, şirkət gələn il yanacağın bir kosmik gəmidən digərinə ötürülməsinə imkan verən kosmik yanacaq doldurma sistemini tətbiq etməyi planlaşdırır.
Maskın sözlərinə görə, bu, Mars proqramında çox mühüm mərhələdir və Marsa uçuş üçün orbitdə olan kosmik gəmiyə 5-6 dəfə yanacaq doldurmaq lazımdır. Ümumiyyətlə, SpaceX-in hazırkı məqsədi bu ssenarini mümkün edəcək texnologiyalar hazırlamaqdır. İlkin hesablamalara görə, layihə 20 il ərzində reallaşa bilər. SpaceX-in kosmik gəmisi olan Starship 3 bu işdə bəşəriyyətə kömək edəcək. Şirkət kosmosa 200 ton yük aparan təkrar istifadə edilə bilən Starship uçuşunun dəyərini 2-3 milyon dollara endirmək niyyətindədir. Bu öz növbəsində, yaxın gələcəkdə 10.000 Starship uçuşunu həyata keçirməyə imkan verəcək.
