MediaTek Dimensity 9400 qrafik performansı və səmərəliliyi ilə Apple brendinin flaqman A18 Pro çipsetini üstələyir. Belə ki, çipset qrafik testində həm performans, həm də səmərəlilik tərəfində daha yaxşı nəticə göstərir.
Beləliklə, MediaTek-in yeni flaqman prosessoru Dimensity 9400 qrafik performansı və səmərəliliyi ilə göz qamaşdırır. İndiyə qədər aparılan sınaqlarda Dimensity 9400 prosessor performansında A18 Pro ilə bərabər nəticələr əldə etsə də, Snapdragon 8 Elite-dən bir qədər geri qalıb. Bununla belə, qrafik performansı və səmərəliliyi ilə Dimensity 9400 performansı ilə A18 Pro çipsetini üstələyir. 3DMark-ın Solar Bay şüa izləmə testində Dimensity 9400 11,4 vatt enerji istehlakı ilə 11,817 xal, A18 Pro isə 11,1 vatt enerji istehlakı ilə 8,587 xal toplaya bilib. Buna görə də, Dimensity 9400 bu testdə A18 Pro-dan 30% daha səmərəli işləməyi bacarır.
Digər testlərdə də oxşar nəticələr əldə edilib. Belə ki, 3DMark-ın Steel Nomad Light və WildLife Extreme testlərində Dimensity 9400 daha az güc sərf etməsinə baxmayaraq, təxminən 40% səmərəlilik üstünlüyünə nail olmaqla A18 Pro-dan daha yüksək nəticə göstərməyi bacarıb. Bu nəticələr Dimensity 9400-ü yüksək qrafik performansı ilə oyun və digər GPU tələb edən proqramlar üçün çox yaxşı seçim edir. MediaTek-in açıqlamalarına görə, Dimensity 9400, ARM-in 12 nüvəli Immortalis-G925 GPU ilə əvvəlki nəsillə müqayisədə şüa izləmə performansında 40% və pik performansda 41% təkmilləşmə gətirir. O, həmçinin oyun üçün super həllediciliyi və vizual keyfiyyəti artırmaq üçün nəzərdə tutulmuş MediaTek-in HyperEngine texnologiyasına sahibdir.
