Apple şirkətinin flaqman məhsullarının bir çox regionda saxtalaşdırıldığı artıq hərkəsə məlumdur. Bəzən istifadəçilər daha az qiymətə oxşar Apple məhsullarını əldə etməyə üstünlük verirlər. Çində də “saxta AirPods” istehsal edən böyük bir fabrikdə əməliyyat keçirilib və fabrik artıq bağlanılıb. Yeni ortaya çıxan xəbərə görə, Çində bağlanan adı çəkilən fabrik 23.5 milyon dollar dəyərində saxta Apple məhsulları istehsal edirdi.
Keçirilən əməliyyat zamanı 69 mindən çox saxta qulaqlıq, 45 mindən artıq hələ istehsalı tamamlanmamış qulaqlıq və istehsalda istifadə olunan bir çox material aşkar edilib. 10 mindən çox ehtiyat hissələri və 50 mindən çox qablaşdırma materialı da əməliyyat zamanı götürülüb. Xatırladaq ki, bundan əvvəl 2 qardaş saxta məhsullarla bağlı Apple-ı gündəmə gətirmişdi. Hətta bu iki qardaş Zhimin Liao və Zhiting Liao 2019-cu ildə tutulmuşdular. Apple-ın insanların əlavə pul ödəməklə alış-veriş etdiyi Apple Care sistemindəki zəiflikdən istifadə edən ikili Apple Store vasitəsi ilə saxta məhsulları originalları ilə əvəz etməyi bacarmışdı.
Çində saxta Airpods istehsal edən fabrik 23.5 milyon dollar dəyərində qulaqlıqların istehsalında istifadə edilib. 2019-cu ildə tutulan iki qardaş isə illər ərzində 10 mindən çox saxta Apple məhsulunun ticarəti ilə şirkətə xeyli ziyan vurmağı bacarmışdı. Rəsmi məlumatlara görə, Zhimin Liao şəxsən 22 ştatda 105 Apple Store-a baş çəkib və təxminən 720 saxta iPhone və iPad-i dəyişdirməyə çalışıb. Zhiting Liao, ABŞ-ın 18 ştatında və Kanadada ən azı 200 Apple Store mağazasında təxminən 718 cihazı dəyişdirməyə cəhd edib.
