Bildiyimiz kimi, daha əvvəl Apple məhsullarının ən böyük istehsalçısı Tayvan mərkəzli Foxconn şirkəti idi. Lakin, illər keçdikcə tədarükçüləri diversifikasiya etmək istəyi, daha çox batareya və elektromobilləri ilə tanınan Çinli avtomobil nəhəngi BYD-ni ən böyük iPad istehsalçısı edib.
Qeyd edək ki, hazırda BYD müəssisələrində iPad modellərinin yığılması üçün təxminən 100 min nəfər çalışır. The Wall Street Journal tərəfindən dərc edilən hesabata görə BYD hazırda ən böyük iPad istehsalçısı hesab edilir. Analitiklərinin fikrinə görə, BYD hazırda Apple planşet cihazlarının 30%-dən çoxunun yığılmasına cavabdehdir. BYD nümayəndələrinə görə isə, Amerika şirkətinin sifarişlərinə xidmət göstərmək 100 min işçi və 10 min mühəndisi işlə təmin edir.
Ümumiyyətlə, BYD, Cupertino-da yerləşən şirkətin asılılığını artırdığı Apple üçün yeganə Çin podratçısı hesab olunmur. Luxshare, Apple-a hazır iPhone təchizatındakı payını tədricən artırır. Bu tendensiya isə Apple-ın Çin şirkətlərinin xidmətlərindən imtina etməsinin nə qədər çətin olduğunu bir daha göstərir. Keçən ayın sonunda Çinə üçüncü səfəri zamanı Apple-ın baş direktoru Tim Kuk etiraf etmişdi ki, Çin şirkətlərinin köməyi olmadan fəaliyyətimizi davam etdirə bilmərik”. Qeyd edək ki, BYD-nin geniş təcrübə çeşidliliyi digər elektronika istehsalçıları tərəfindən də istifadə olunur. Belə ki, Xiaomi-yə smartfonların yığılmasında kömək edən Çin şirkəti bu ilin mart ayından istehsalına başladığı elektrik avtomobillərinin yığılma prosesində də, BYD təcrübəsindən istifadə edir. Huawei həm elektronika, həm də elektrik avtomobil texnologiyası sahəsində BYD müştərisidir.
