BYD-nin baş direktoru (CEO) Wang Chuanfu bildirir ki, Çin avtomobil sənayesi elektrik avtomobillərinin inkişafında dünyada böyük liderliyə malikdir. Təcrübəli icraçı son müsahibəsində Çinin elektrik avtomobilləri məhsul, texnologiya və sənaye zənciri baxımından rəqiblərini təxminən 3-5 il qabaqladağını etiraf edib. Əslində, Ford kimi bəzi Qərb şirkətləri Çinin elektrik avtomobillərinin rəqiblərini 10 il qabaqladığını düşünürlər.
Bildiyimiz kimi, Çinin aparıcı elektrik avtomobil istehsalçısı olan BYD təkcə elektrik avtomobilləri istehsal etmir, həm də batareyalar da daxil olmaqla bir çox əsas komponentləri öz daxili istehsal edir. Şirkət Çinin CATL-dən sonra dünyanın ikinci ən böyük batareya istehsalçısı hesab olunur. Bundan əlavə, BYD avtonom sürücülük texnologiyalarında böyük sərmayə qoyur. Nəhayət, “God’s Eye” dlandırdığı avtonom idarəetmə sistemini geniş istifadəyə verməklə bu sahədəki iddiasını nümayiş etdirib.
Wang, ABŞ və Avropa İttifaqının Çinin elektrikli avtomobillərinə tətbiq etdiyi əlavə tariflərdən narahatolmadığını da dilə gətirib. BYD CEO-nun sözlərinə görə, bu cür proteksionist siyasətlər yaxşı məhsullara qarşı işləmir. Bundan başqa, Asiya şirkəti bu ilin sonuna kimi Macarıstanda avtomobil istehsalına başlayacaq. Beləliklə, qısa müddətdə gömrük tarifləri artıq problem olmayacaq. BYD-nin Avropada istehsal edəcəyi ilk iki model Dolphin və Atto 3 modelləri olacaq. B-SUV seqmentində olan Atto 2 və Dolphin Mini modelləri tezliklə bu modellərə əlavə olunacaq. Konkret olaraq, Dolphin Mini Çində Seagull kimi tanınan modeldən daha böyük olacaq və Avropa bazarında B seqmentində yerləşdiriləcək.
Bu addımlarla BYD Avropada ən çox satılan avtomobillərin satıldığı dörd seqmentdə (B, B-SUV, C və C-SUV) güclü mövqe tutmağı hədəfləyir. Bu seqmentlərdə güclü modellər təklif etməklə Çin markası Renault, Stellantis və Volkswagen kimi Avropanın böyük istehsalçıları ilə birbaşa rəqabət apara biləcək. BYD-nin Avropa bazarında olması elektromobil sektorunda rəqabəti gücləndirəcək və istehlakçılara daha çox seçim imkanı verəcək.
