Ötən gün Azərbaycanda ən çox istifadə olunan taksit kartlarından olan Kapital Banka məxsus BirKart yenilənib. Təkrar brendləşdirilmiş BirKart artıq bundan sonra Birbank brendinin məhsulu olacaq. Birbank taksit kartları bundan sonra 3 yeni növə sahibdir. Birbank həmin kartları Umico, Cashback və Miles olmaqla öz müştərilərinə təqdim edəcək. Hazırlanmış bu kartlar ənənəvi BirKart məhsulunun bütün xüsusiyyətlərini özündə saxlayacaq, lakin əlavə olaraq yeni üstünlüklərə də malik olacaq. Artıq yeni Birbank kartları ilə əməliyyatlar zamanı 2 qat ƏDV və 30% keşbek qazanacaqsınız. Debet kartlarına isə istənilən bankomatda 4000 manata qədər komissiyasız nağdlaşdırma imkanı verilir. Həmçinin istənilən bank kartının balansına faizsiz köçürmələr edə bilərsiniz.
Belə ki, istifadə etdiyiniz BirKart Cashback debet kartı Birbank Cashback kartı olub. Uyğun olaraq da tariflər bu karta uyğun dəyişdirilib. Elə Birbank Black Cashback kartından bəhs etməyə başlayaq. 2 variantda təqdim edilən Birbank Cashback kartları istifadəçinin seçiminə görə sadə Cashback kartı və ya Cashback debet kartları şəklində alına bilər. Əgər Cashback debet kartına sahibsinizsə cari ay ərzində istənilən bankomatdan 4000 manata qədər nağdlaşdırma edə bilirsiniz. Üstəlik digər bank kartlarına köçürmə zamanı komissiya ödənişi tələb olumur. Hər iki variantda Birbank Cashback kartlarına 30%-ə qədər keşbek və 2 qat ƏDV bonusu, bundan əlavə debet kartı üçün 6% depozit gəlir hesablanır.
Birbank Umico kartı ilə də nağdsız alış-veriş zamanı umico partnyorları ilə 1.5%-dən başlayan, qeyri umico partnyorları ilə 0.4% keşbek qazanmaq mümkündür. Uyğun olaraq bu kart üçün də Umico Premium Debet, Umico Premium və sadə Umico həlləri təklif olunur.
Birbank Miles kartları səyahət etməyi sevənlər üçün hazırlanıb ki, topladığınız millər biletlərlə dəyişdirilə bilir. 1 AZN, 1 mil kimi nəzərdə tutulur. Birbank Miles da digər kartlarda olduğu kimi Birbank Miles Debet və sadə Birbank Miles variantına sahibdir.
Qeyd edək ki, Birbank Umico və Birbank Miles kartlarında da komissiyasız nağdlaşdırma edə bilərsiniz. Lakin əsas şərt bu növlərin debet kart olan variantına sahib olmağınızdır. Eyni zamanda taksit kartı istifadəçilərinə 63 günə qədər güzəşt müddəti verilir. Daha ətraflı məlumat üçün Birbank rəsmi saytından kartlar bölməsini ziyarət etməyinizi məsləhət görürük.
