Dünyanın ən varlı insanlarından biri olan Elon Musk-ın ötən gecə Twitter platformasını almaqdan imtina etdiyi ortaya çıxıb. Belə ki, ötən gün milyarder Amerikanın SEC komissiyasına “Qiymətli Kağızlar və Birja Komissiyası” məktub ünvanlayıb. Məktuba görə Musk 44 milyard dollarlıq Twitter satın alımından imtina edir. Bunun səbəbi isə Twitter platformasındakı istifadəçi kütləsinin həqiqətə uyğun olmadığı kimi göstərilir. Aylardır davam edən satın alma prosesində Elon Musk daim bot, saxta istifadəçilərin çoxluğunu iddia etsə də Twitter təmsilçiləri bu rəqəmlərin 5%-dən çox olmadığını bildiriblər. Lakin nəticə etibarilə hər iki tərəf, xüsusilə də Twitter öz dediyini təsdiqləyən hər hansı bir sübut ortaya qoya bilməyib. Hər ötən gün baş verənlər səbəbilə Twitter platformasının hissələrinin dəyəri daha da aşağı düşür. Elon Musk satın almaqdan imtina etdiyinə görə Twitter-in səhmləri dəyərini itirməyə davam edəcək. Bu da Twitter səhmdarlarını narahat edir və Musk bu addımına görə məhkəməyə veriləcək.
Twitter təmsilçilərinə görə Elon Musk, “Alıram dedikdən sonra almaya bilməz! “
Məktubun ictimaiyyətə açıqlanmasından sonra səhmləri bu dəfə də 6% aşağı düşən Twitter çətin vəziyyətlə üz-üzə qalıb. Məktubda “Təqribi 2 aydır Musk, twitter platformasındakı saxta və ya spam hesabların çoxluğu ilə əlaqədar dəyərləndirmə etmək üçün data və məlumatlar tələb edir. Twitter isə bu məlumatları vermir və ya verməkdən rədd edir.” deyə bildirilir. Twitter idarə heyətinin sədri Bret Taylor isə bununla bağlı qəti açıqlama verərək elə Twitter üzərindən öz fikrini qeyd etdi.
Bret Taylor-un tviti
Twitter idarə heyəti prosesi cənab Musk ilə razılaşdırılan qiymət və şərtlərlə satmaq niyyətindədir və müqavilənin icrası üçün hüquqi tədbirlər görüləcək. Delaware Chancery məhkəməsində bununla bağlı qalib gələcəyimizdən əminik.
Razılaşmaya görə Elon Musk almaqdan imtina edərsə 1 milyard dollar cəza ödəyəcək. Lakin Twitter idarə heyəti məhkəmədən qalib ayrılaraq Twitter platformasını satmaq istəyir. Şirkətin dəyərləri həddindən artıq endiyi üçün bundan sonra Twitter təmsilçiləri üçün ən ideal həll yolu 44 milyard dollar ilə razılaşmaq olacaq. Yəni hər bir hissə üçün 54.20 dollar.
Hal-hazırda şirkətin hissə dəyəri bundan təqribi 33% daha azdır. Aradakı qiymət fərqindən Elon Musk-ın nə qədər zərərlə ayrılacağını isə özünüz təxmin edə bilərsiniz. Yekunda Elon Musk və Twitter sərgüzəştlərinin hələ tamamlanmadığını qeyd etmək istəyirik. Yəqin ki, bundan sonra çıxan xəbərlər məhkəmə qərarı ilə bağlı olacaq.
