Bəlkə də indiyə qədər çoxlarınızın ağlına xüsusiləşdirilə bilən tariflərin niyə olmadığı gəlib. Hətta işlətdiyiniz tarifdə dəqiqələri azaldıb internet paketinin həcmini artırmağı belə böyük bir ehtimalla düşünmüsünüz. Belə ki, Azercell tərəfindən məhz istifadəçi tərəfindən xüsusiləşdirilə bilən istəSən tarifi istifadəyə verilib. Bundan sonra müxtəlif tarif planları üzrə dəqiqə və internet seçimlə arasından istəyinizə uyğun tarif planı yarada biləcəksiniz.
Bəs Azercell İstəSən tarifində qiymətlər və tarif planı necə hazırlanıb?
İlk növbədə Azercell istəSən daxilində dəqiqələri, ümumi istifadə üçün meqabaytları (internet) və sosial media üçün meqabaytları ayrıca tənzimləyə bilərsiniz. Tarifin minimum qiyməti 30 dəqiqə ölkədaxili zənglər və 3GB internet üçün 7 AZN təşkil edir. Əgər internet həcmini 10GB edib, 30 dəqiqə ölkədaxili zənglərdə dəyişiklik etməsəniz trafikin qiyməti 12.70 AZN-ə qədər yüksəlir. Fərqli bir optimal variant kimi 4GB internet TikTok, 2GB internet Instagram və Facebook, 5GB internet ümumi internet istifadəsi və 30 dəqiqə ölkədaxili zəng alsanız yenə 12.70 AZN ödəməli olacaqsınız. Digər bir alternativ nümunə kimi 30 dəqiqə ölkədaxili zəng, 5GB ümumi istifadə üçün internet və sadəcə YouTube üçün 6GB internet alsanız xərciniz 12.80 AZN olacaq. Təbii ki, bizim qeyd etdiklərimiz ortalama nümunələrdir. Dəqiqəni istədiyiniz qədər artırıb, internet paketləri arasında da istədiyiniz qədər dəyişiklik edə bilərsiniz.
Qeyd edək ki, hazırladığınız tariflər hər ayın sonu və ya siz məcburi dayandırdığınız təqdirdə dəyişdirilə bilər. Yəni tarifinizi hazırlayıb aldıqdan sonra dəyişiklik edə bilməzsiniz. Tarif dizaynında dəyişikliklər isə yalnız “Kabinetim” tətbiqi və ya rəsmi veb-sayt üzərindən həyata keçirilir. Alternativ olaraq müştəri xidmətləri ofislərini ziyarət edərək də tariflərinizi yarada bilərsiniz. Lakin bu qədər çətin bir metoddan istifadə etməyinizə ehtiyac yoxdur. istəSən tarifi ilə bağlı daha ətraflı məlumat üçün Azercell rəsmi saytına keçməyinizi məsləhət görürük.
