Çinin artıq elektromobil sahəsində dünyada lider olduğu demək olar ki, hərkəsə məlumdur. Belə ki, çox ucuz qiymətə, abş və avropalı avtomobil nəhənglərinin elektromobillərindən daha yüksək performans və daha uzun mənzil vəd edən Çin elektromobilləri indi bütün dünya bazarında məşhurdur. Görünən odur ki, Avropa Çin ilə elektromobil sahəsində mübarizə apara bilmək üçün ucuz elektrikli avtomobil üçün işə qoyulub. İndi avropalı elektromobil nəhəngləri də başa düşür ki, çin istehsalçıları ilə rəqabət aparmağın yeganə yolu ucuz orta səviyyəli elektromobillərdir.
Elektromobillərdə batareya idarəetmə sisteminin performansını artırmaq üçün proqram təminatı hazırlayan Britaniya startapı Brill Power-in rəhbəri Andy Palmer bildirib ki, “Avtomobil istehsalçıları indi yalnız ucuz avtomobillərə üz tuturlar, əks halda Çin istehsalçılarına uduzacaqlarını bilirlər”. Buna səbəb isə elektromobillərinin çin elektromobillərinə nisbətə baha olması səbəbindən tələbin azalması qorxusu olub. İndi avropalı avtomobil nəhəngləri də elektromobil istehsalındakı xərcləri azaltmağın yollarını axtarır. Qeyd edək ki, Renault şirkəti ötən ay daxili yanma mühərrikli modelləri ilə elektromobillər arasındakı qiymət balansını tarazlaşdırmaq üçün elektromobil qiymətlərini 40% azaltmalı olduğunu bildirmişdi.
Artıq Volkswagen və Tesla brendlərinin 25 min avro dəyərində elektromobil hazırlamağa başladığı hərkəsə məlumdur. Hazırda ABŞ-da çin elektromobillərinin tələbi azaltması kimi bir risk mövcud olmasa da, abş avtomobil nəhəngləri bu ehtimalı da dəyərləndirir. Ümumiyyətlə artıq gələcək illərdə daha ucuz qiymətə elektromobillər görəcəyik. Habelə Avropa bazarında da ucuz elektromobil adı altında bir çox model ortaya çıxacaq.
