Avropa Birliyi Meta şirkətini Facebook istifadəçi məlumatlarını ABŞ-a ötürdüyü üçün rekord məbləğdə cərimələyib. Belə ki, Avropa Birliyi məxfilik qanunlarına pozduğuna görə texnologiya nəhəngini 1.3 milyard dollar məbləğində cərimələyib. Avropa Birliyi Məhkəməsi texnologiya nəhəngini vətəndaşların şəxsi istifadəçi məlumatlarını ABŞ-a icazəsi olmayaraq ötürməklə günahlandırıb. Cərimədən əlavə məhkəmə Meta şirkətinə istifadəçi məlumatlarını ABŞ-a ötürməyi də qadağan edib. Qeyd edək ki, bu qərar İrlandiya Məlumatların Mühafizəsi Komissiyası (DPC) tərəfindən qəbul edilib. Həmçinin bu cəza Avropa Birliyi tərəfindən ümumi məlumat qoruma nizamnaməsi olaraq bilinən məxfilik qanunu qəbul ediləndən bəri verilən ən əhəmiyyətli cəzadır.
Maraqlısı budur ki, Meta şirkəti yalnız Facebook şəbəkəsindəki istifadəçilərin məlumatlarını ötürdüyü üçün günahlandırılıb. Bundan əlavə Avropa Birliyi tərəfindən qəbul edilən bu qərara şirkət etiraz edəcək. Həmçinin Meta şirkəti Avropa ərazisində Facebook xidmətlərinin davam edəcəyini bildirib. Qeyd edək ki, Avropa Birliyi tərəfindən Meta şirkətinə verilən bu cəza 2021-ci ildə oxşar məxfilik pozuntularına görə Amazon şirkətinə tətbiq edilən 746 milyon avroluq cəriməni ötür. Meta şirkətinin qlobal məsələlər üzrə direktoru olan Nik Kleq və şirkətin baş hüquq direktoru Jennifer Nyusted cəriməni ədalətsiz və lazımsız olaraq adlandırıb.
Ümumiyyətlə bu cəza Avropa Birliyi tərəfindən Meta şirkətinə verilən ilk cəza deyil. Texnologiya nəhəngi bundan əvvəl də bir çox dəfə cərimələnib. Lakin bu dəfə cərimənin məbləği rekord səviyyədədir. Qeyd edək ki, Meta şirkəti qərar etiraz edəcəyini bildirib. Həmçinin şirkət məhkəmələrdə icra müddətlərinin dərhal dayandırılmasını da tələb edəcək.
