Apple şirkəti başda olmaqla brendlərin Avropa Birliyi ilə yaşadığı çətinliklər səngimək bilmir. İndi də ortaya çıxan məsələyə görə, Apple şirkəti Avropa Birliyi daxilində yaşayan istifadəçilərin cihazlarında fotolar tətbiqi silinə bilən etmək məcburiyyətində qala bilər.
Belə ki, Apple son vaxtlar Avropa Birliyinin Rəqəmsal Bazarlar Aktı (DMA) səbəbindən bir çox problem yaşayır. Bu qanuna uyğun olaraq, texnologiya nəhəngi App Store-u Avropadakı üçüncü tərəf platformaları üçün açıb. Digər tərəfdən, Safari və iOS-da əhəmiyyətli dəyişikliklər edilib. İndi isə məlum oldu ki, Avropa Birliyi Apple-ı başqa bir dəyişikliyə məcbur edə bilər. AB-nin rəqabət tərəfinin rəhbəri Marqherete Vestager-in açıqlamalarına əsaslanan bu ehtimal iOS-un tamamilə dəyişdirilməsinə səbəb ola bilər.
Apple Avropa Birliyi daxilində istifadəçilərə fotolar proqramını silməyə icazə verməsi isə, iPhone modellərində eyni seqmentə aid heç bir tətbiqin “fotolar” ilə rəqabətə girə bilməməsindən qaynaqlanır. Vestager açıqlamasında şirkətlərin DMA çərçivəsində öhdəliklərinə toxunub. Onun burada qeyd etdiyi şeylərdən biri proqramların asanlıqla silinməsini və standart parametrlərin dəyişdirilməsini təmin etmək öhdəliyi idi. Bununla belə Apple-ın “fotolar” kimi bir çox tətbiqin silinməsinə icazə vermədiyinə diqqət çəkib.
Bu bəyanat onu göstərir ki, Apple tezliklə dəyişiklik etməli və Avropadakı istifadəçilərə “fotolar” tətbiqini silmək imkanı verməli ola bilər. Hələlik mövzu ilə bağlı qəti bir qərar yoxdur. Lakin bu, Vestagerin açıqlamasına əsaslanan bir ehtimaldır.
Bu, iOS-un tamamilə dəyişdirilməsinə səbəb ola biləcək bir prosesdir. Tətbiq bütün iOS əməliyyat sisteminə inteqrasiya olunmuş fotoşəkillər üçün sistem səviyyəli proqramdır. Beləliklə, onu standart proqram olmaqdan çıxarmaq və üçüncü tərəf proqramlarına bu icazənin verilməsi çətin ola bilər və böyük dəyişikliklər tələb edə bilər.
