Ötən gün, Tayvanın şərq sahillərində 1999-cu ildən bəri 7,4 bal gücündə ən böyük zəlzələ qeydə alınıb. Tayvanda baş vermiş son 25 ilin ən güclü zəlzələsi yerli infrastruktura ciddi ziyan vurub və TSMC və UMC şirkətləri müəssisələrində çip istehsalını dayandırıb. Qeyd edək ki, Tayvanın nəhəng çip şirkətləri müəssisələrində çalışan işçiləri təxliyə etməyə məcbur olublar və infrastrukturlar zərər görüb. Hazırda zərərin qiymətləndirilməsi mərhələsi davam edir.
Qeyd edək ki, baş verən zəlzələ 90%-i Tayvanda yerləşən qabaqcıl yarımkeçirici sənayesinə üçün böyük zərər vura bilər. TSMC Tayvanda yerləşən Xinzhu adasındakı müəssisələrində çip istehsalını dayandırsa da, bəzi mənbələr emal edilən silikon vaflilərin zədələndiyini bildirib. TSMC bildirir ki, işçiləri əvvəlcədən təxliyə edə bilib, nəticədə heç bir işçi xəsarət almayıb və zəlzələnin istehsala təsirinin miqyası hələ qiymətləndirilməyib. Şirkətin yeni istehsal müəssisələrinin tikildiyi ərzazilərdə də tikinti işləri dayandırılıb. Heyət artıq öz iş yerlərinə qayıtmağa başlasa da, seysmoloji fəaliyyət mütəxəssisləri yaxın bir neçə gün ərzində bölgədə yenidən zəlzələlərin baş verə biləcəyi barədə xəbərdarlıq edir.
Nikkei mənbəsinə mühasibə verən Tayvanlı müəssisələr, zəlzələnin təsirlərini kompensasiya etmək üçün qarşıdan gələn bayram günlərində daha çox işləməli olacaqlarını bildiriblər. UMC həmçinin Tayvanda bəzi istehsal xətlərinin dayandırılacağını bildirib. TSMC-nin adanın cənubundakı obyektlərinə gəldikdə isə , zəlzələnin təsirinin burada daha az nəzərə çarpacağı gözlənilir. Qeyd edək ki, Yaponiya və Filippin əvvəlcə sunami xəbərdarlığı veriblər, lakin Yaponiya adalarından birinin sahillərində faktiki dalğa hündürlüyü 30 sm-dən çox olmadığı üçün xəbərdarlıq ləğv edilib. TSMC-nin qabaqcıl 3nm və 5nm istehsal müəssisələri hazırda zəlzələnin episentrindən çox uzaqda, Tayvanın cənubunda cəmləşib, ona görə də şirkətin əsas müştərilərinin maraqlarına ciddi şəkildə toxunulmayacaq.
