Avropa Birliyi texnologiya şirkətlərinə məxsus aldadıcı reklamlar ilə bağlı tədbir görərək, onların qarşısını almağa çalışır. Bir çox texnologiya şirkəti öz məhsullarını təqdim edərkən şişirdilmiş məlumatlardan istifadə edərək müştəri cəlb etməyə çalışır. İstifadəçilər məhsulu əldə etdikdə isə bir çox məlumatın həqiqəti əks etdirmədiyinin fərqinə varır. Məhz bu hadisələrin qarşısını almaq üçün Avropa birliyi yeni qanun layihəsi hazırlayır. Yeni qanun layihəsinə görə Avropa Birliyi ərazisindəki elektronik cihaz istehsalçıları reklamlarda dəqiq məlumatlardan istifadə etməlidir.
Yeni qanun ilə artıq Avropa Birliyi ərazisində aldadıcı reklamlar dövrü sona çatacaq. Bəzən texnologiya istehsalçıları məhsulun qutusunun üzərində real olmayan məlumatları göstərməklə istifadəçiləri aldada bilirdi. Belə ki, ekoloji cəhətdən təmiz, uzun batareya ömrü kimi məlumatlar artıq reklamlarda və qutuların üzərində göstərilə bilməz. Bu qanun ilə istifadəçilər artıq reklamda olan məlumatların düzgünlüyündən əmin olacaq. Bundan əlavə isə istehsalçılar reklamlarda və məhsulun qutusu üzərində məlumatları göstərərkən onları əsaslandırmalıdır. Həmçinin məhsulun zəmanətinə daxil olan məlumatları ətraflı izah etməli və məhsulun hissələri üçün çəkiləcək xərcləri təxmini olaraq bildirməlidir. Bu isə müştəri və satıcı arasındakı etibarı artıraraq, bazarın canlanmasına kömək edə bilər.
Ümumiyyəytlə avropa birliyi ərazisində aldadıcı reklamlar əsasən daha kiçik brendlər tərəfindən istehsal olunan məhsullara aid olurdu. Yeni qanun layihəsinə görə şirkətlər məhsulu satarkən onun ekoloji cəhətdən nə qədər təmiz olduğunu və təkrar emal materiallarından nə dərəcədə istifadə edildiyini bildirməlidir. Əks təqdirdə qanun layihəsinə uyğun olaraq həmin məhsullara ekoloji cəhətdən təmiz deyil sertifikatı veriləcək. Bundan əlavə isə şərtlər arasında adapter və kabel kimi aksesuarların universal istifadəsinin və funksiyalarının məhdudlaşdırılmaması da var. Parlament yaxın günlərdə artıq üzv ölkələr ilə yeni qanun layihəsini müzakirə edəcək.
