Bloomberg tərəfindən əldə edilən bir sənəd Avropa Birliyinin 5G infrastrukturu ilə bağlı planlarını açıqlayıb. Belə ki, səlahiyyətlilər, infrastruktur xərcləri üçün texnologiya nəhənglərindən dəstək istəyə bilər.
Bütün dünyada 5G bağlantısına keçid sürətlə davam edir və infrastruktur işləri davam edir. Ötən gün Bloomberg tərəfindən diqqət çəkən bir xəbər Avropa Birliyinin bu mövzuda mühüm addım atmağa hazırlaşdığını ortaya qoyur. Sənədə əsasən, rəsmilər Netflix, Google-un ana şirkəti Alphabet kimi böyük bant genişliyi verə bilən şirkətlərin gələcək nəsil internet infrastrukturuna maliyyə dəstəyi verməsi üçün təkliflər təqdim etməyi düşünürlər.
Avropa Telekommunikasiya Şəbəkə Operatorları Assosiasiyasının araşdırmasına görə, Google, Apple, Meta, Microsoft və Netflix də daxil olmaqla texnologiya şirkətləri qlobal məlumat trafikinin 56%-dən çoxunu istifadə edirlər. Yəni elə texnoloji şirkətlərin infrastrukturdan yararlanma payı hamıdan çoxdur.
Qeyd edək ki, şirkətlərdən lazımi infrastrukturların yaradılmasına töhfə vermələrini xahiş edən bu ideya yeni deyil. 2012-ci ildə də oxşar təklif Avropadan gəlmişdi. Keçən il Avropa Komissiyasının görüşündə Thierry Barton bəyan etmişdi ki, “kimin nə ödəyəcəyi nəzərə alınmasa, Avropa 5G infrastrukturuna görə ABŞ və Asiyadan geri qala bilər”.
Bütün bunlardan sonra yeni çıxan sənəd infrastruktur üçün şirkətlərin dəstəyini tələb edə biləcəyini ortaya qoyur. Sənəddə təklif edilir ki, firmalar 5G mobil şəbəkələri və fiber infrastrukturun qurulması xərclərini kompensasiya etmək, həmçinin texnoloji nəhənglər üçün məcburi birbaşa ödəniş sisteminin yaradılması üçün yaradılmış fonda töhfə verə bilərlər.
