Bildiyimiz kimi, Apple Avropa Birliyinin yeni qanunları çərçivəsində üçüncü tərəf iOS tətbiq mağazalarına icazə verir. Hətta texnologiya nəhəngi bildirib ki, iOS 17.4 yenilənməsi ilə alternativ tətbiq mağazaları artıq iPhone-larda görünəcək. Qeyd edək ki, bütün bu yeni və ya alternativ tətbiq mağazalrı sadəcə Avropada yaşayan iPhone istifadəçiləri üçün keçərlidir. ABŞ mərkəzli texnologiya nəhəngi Apple indi üçüncü tərəf iOS tətbiq mağazalarının şərtlərini aydınlaşdırmağa başlayıb.
iOS 17.4-ün əsas yeniliyi proqramları üçüncü tərəf mağazalarından və birbaşa veb-saytlardan quraşdırmaq imkanı olub. İstifadəçilər Apple ID hesabındakı regionu qeyd edilən ölkələrdən birinə təyin etməlidir: Avstriya, Belçika, Bolqarıstan, Xorvatiya, Kipr, Çexiya, Danimarka, Estoniya, Finlandiya, Fransa, Almaniya, Yunanıstan, Macarıstan, İrlandiya, İtaliya, Latviya, Litva, Lüksemburq, Malta, Hollandiya, Polşa, Portuqaliya, Ruminiya, Slovakiya, Sloveniya , İspaniya və İsveç. Məhz bu ölkələrdən kənarda yaşayan istifadəçilər əvvəlki qaydada yalnız App Store mağazasından istifadə edə biləcəklər.
Üstəlik, bu funksiya yalnız istifadəçi fiziki olaraq sadalanan ölkələrdən birində olduqda işləyəcək. Apple bildirir ki, geolokasiya yoxlanışı cihazda lokal olaraq baş verir və dəqiq yer şirkətin serverlərinə göndərilmir. Şirkət rəsmiləri, alternativ tətbiq mağazası funksiyasının işləməyə davam edəcəyi qeyri-müəyyən müddətə qısa səfərlər üçün “güzəşt müddəti” təqdim edib. Bununla belə, Avropa Birliyindən kənarda daha uzun müddət qaldıqda xidmət dayandırılacaq.
