Bu gün dünyanın ən çox qazanan şirkətlərindən biri olan Apple işçilərini necə seçir? Bu sualın cavabını tapa bilmək üçün birbaşa olaraq Linkedın üzərindən bütün Apple işçilərinin kariyerası təhlil edilib. Yekunda isə məlum olub ki, Apple işçiləri əsasən Intel, Microsoft və Amazon kimi yerlərdə çalışdıqdan sonra Apple şirkətinə gəlib. Tam tərsi Apple işçiləri isə əsasən işdən ayrıldıqdan sonra amerikalı digər texnologiya nəhəngi Google üçün müraciət edir. Hətta demək olar ki, keçmiş Apple işçilərinin çoxu Google şirkətində işləyir.
Birbaşa olaraq Linkedın vasitəsi ilə aparılan araşdırmalarda məlum olub ki, keçmiş Apple işçiləri Google, Amazon kimi şirkətlərə müraciətlər edir. Hətta Apple şirkətindən ayrılanların Google-a keçmə ehtimal Amazona keçmə ehtimalından 2 dəfə çoxdur. Bu isə onu göstərir ki, Google xüsusi olaraq Apple təcrübəsi keçən əməkdaşlara üstünlük verir. O cümlədən Apple şirkəti ilə yolları ayrılan digər əməkdaşlar hazırda facebook, Instagram, WhatsApp, threads kimi platformalara sahib olan Meta-nı seçir. Siyahının digər sıralarında isə Microsoft, Nvidia, Tesla kimi yenə amerikalı nəhəng brendlər dayanır.
Bəs Apple yeni işçilərini necə seçir? Biz əgər apple şirkətində işləməyə başlayan yeni işçilər siyahısına nəzər salsaq burada Intel-in lider olduğunu görə bilərik. Lakin onu da qeyd edək ki, Apple son illərdə xüsusi olaraq smartfonlar üçün modemlər hazırlayan Intel bölməsini satın alıb. Məhz bundan sonra yüzlərlə Intel işçisi Apple çətiri altına daxil olmuşdu. İkinci sırada isə Microsoft və Amazon dayanır. Apple şirkəti də öz növbəsində Microsoft və Amazon kimi şirkətlərdə kariyerasını təkmilləşdirmiş əməkdaşlara üstünlük verir.
