Avtomobillər RAM tutumu baxımından premium smartfonları keçməyə başlayıblar. Hətta AnTuTu tərtibatçıları müasir avtomobillərin məlumat-əyləncə sistemlərində istifadə olunan çipsetlərin yeni performans reytinqini dərc ediblər. Nəticələr isə gözlənilməz qədər maraqlıdır.
Ən yeni Snapdragon 8295 çipsetinin birinci yeri tutacağı çox gözlənilən idi. Lakin maraqlısı odur ki, ona əsaslanan media sistemlərində avtomobillərə artıq 18 GB-a qədər RAM quraşdırılıb. Buna görə nəticə çıxarsaq avtomobillər RAM tutumuna görə yüksək səviyyəli smartfonlara çatıblar. Hazırda avtomobillər bir çox fərqli çipsetlər ilə təchiz edilir. Bu çipsetlər isə avtomobillərin seqmentindən asılı olaraq dəyişə bilir. Son nəticələrə görə ən güclü smartfon çipseti 963130 xal ilə Snapdragon 8295 olub. İkinci sırada isə 724844 xal ilə Snapdragon 8255 dayanır.
Maraqlısı budur ki, bazardakı ən güclü avtomobil çipsetləri yalnız Qualcomm şirkətinə aid deyil. Belə ki, AnTuTu tərtibatçılarının hazırladığı reytinq cədvəlində 3-cü sırada Rockchip RK3588 çipseti dayanır. Bu çipset isə Snapdragon 8155-i ötərək 576659 xal toplaya bilib. Onu da qeyd edək ki, məşhur Snapdragon 8155 çipseti AnTuTu-da 498870 xal ilə 5-ci sırada qərarlaşa bilib. 4-cü sırada isə Dragon Eagle No.2 çipseti Qualcomm şirkətinin populyar tək çipli sistemini qarşılayır. O cümlədən siyahıda yer alan 10 smartfon çipsetinin 6-sı Qualcomm şirkətinə məxsusdur. Görünən odur ki, Qualcomm bu bazarda liderliyi ələ alıb.
