Apple şirkəti ötən aylarda yeni flaqman smartfon seriyası olan iPhone 15 ilə gündəmə gəlmişdi. O cümlədən təqdimat tədbirindən sadəcə 1 həftə sonra istifadəyə verilən iOS 17 ilə də yeni xüsusiyyətlər əlavə edilmişdi. Hər il Apple şirkəti yeni əməliyyat sistemini təqdim etdikdən sonra xətalar ortaya çıxır. Müəyyən müddət sonra isə sadəcə bəzi istifadəçilər üçün yaranan bu problemlər aradan qalxırdı. İndi isə vəziyyət daha qəlizdir, iOS 17 xətası hələ də əksər iPhone modellərinin donmasına səbəb olur. Hətta bu vəziyyətlə bağlı müxtəlif istifadəçilər sosial mediada da paylaşım edir.
Maraqlısı budur ki, bu xətalara iOS 17.1.1 yenilənməsindən sonra daha tez-tez rast gəlmək mümkündür. Sadəcə proqramlar arasında gəzinərkən belə iPhone dona bilir. Ümumiyyətlə ötən aylarda iOS 17 xətası ilə bağlı müxtəlif kritik xətalar ortaya çıxmışdı. Bu iOS 17 xətası iPhone modelinizin növündən asılı olmayaraq baş verə bilir. Hətta bu xəta yeni təqdim edilən flaqman iPhone 15 və hələ də performans cəhətdən zəifləməyən iPhone 14 modellərində meydana gəlir. Əvvəllər yeni əməliyyat sistemi sadəcə daha əvvəlki versiyalarda xətaların yaranmasına səbəb olurdu. İndi isə problem ümumidir.
Əməliyyat sistemindəki ən çox yayılmış xətalardan biri məhz smartfonun bir mənalı donmasıdır. Hətta nə güc düyməsi, nə də səs düyməsi smartfona təsir etmir. Sosial mediada gündəm olan bu xətalar adətən iPhone 13, iPhone 14 və iPhone 15 smartfonlarında ortaya çıxıb. Lakin iPhone XS, 11 və 12 smartfonlarında da vəziyyət acınacaqlıdır. İstifadəçilər indi yalnız Apple şirkətinin bütün xətaları iOS 17.2 yenilənməsi ilə aradan qaldırmasına ümid edir.
