Apple brendinin yeni flaqman iPhone 16 seriyasının təqdimat tarixi internetə sızdırılıb. Belə ki, flaqman smartfon seriyası bu il gözləniləndən daha tez təqdim ediləcək. Yeni seriyada dörd model olacağı gözlənilsə də, dizaynda da bəzi fərqlər görünəcək. Sosial mediada sızan təfərrüatlar, Apple-ın sentyabrın 10-da iPhone 16 seriyasını təqdim etmək üçün bir tədbir keçirəcəyini ortaya qoyub.
Tədbir dəvətnaməsi olduğu iddia edilən şəkillər sayəsində şirkətin 10 Sentyabr tarixində iPhone 16, iPhone 16 Plus, iPhone 16 Pro və iPhone 16 Pro Max-ı təqdim etməsi gözlənilir. Dəvətdə diqqət çəkən şüar isə “Ready.Set.Capture” olub. Bu, Apple-ın yeni iPhone modellərində kamera dəyişikliklərini vurğulayacağını göstərir. Bütün modellərin Capture düyməsi ilə təchiz ediləcəyini də gözləyə bilərik. Xatırladaq ki, daha əvvəl ortaya çıxan iddialar, təqdimatın gecikəcəyini və sentyabrın sonuna qədər çəkə biləcəyini ortaya çıxarmışdı.
Bununla belə, bu ilki təqdimat tədbiri də ötən ilki iPhone təqdima tədbirinin olduğu tarixə yaxın ərəfələrə təsadüf edəcək. Xatırladaq ki, ötən il iPhone 15 seriyası Sentyabrın 12-si təqdim edilmişdi. Bundan əlavə, Yeni iPhone 16 Pro-nun “Desert Titanium” rəngi Apple-ın əvvəlki titan rənglərindən fərqli bir dərinliyə sahib olacaq. Bu rəngin iPhone 14 Pro-nun “Deep Purple” rənginin dərinliyi və sadəliyi ilə oxşar xüsusiyyətlərə malik olduğu da bildirilir. Habelə, yeni smartfon seriyasının bütün modelləri ötən aylarda təqdim edilən Apple Intelligence dəstəyinə sahib olacaq.
