Daim bahalı və keyfiyyətli modelləri ilə fərqlənən Apple brendi yeni iPhone 15 seriyasını daha baha qiymətə təklif edə bilər. Belə ki, Məşhur analitik Dan Ives Apple brendinin yeni iPhone seriyasının daha baha qiymətə satılacağını bildirib. Bu isə ABŞ-da 2017-ci ildən bəri Apple şirkətinin iPhone modellərinə tətbiq edəcəyi ilk qiymət artımı olacaq. Əsasən dəqiq proqnozları ilə tanınan Dan Ives gən aylarda təqdim ediləcək yeni seriyada müəyyən qiymət artımının olacağını iddia edir. Dan ötən il də iPhone 14 seriyasının beynəlxalq qiymətlərinin artacağını da əvvəlcədən bildirmişdi.
Qeyd edək ki, məşhur analitik yeni iPhone 15 seriyasınln orta hesabla 200 dollar daha baha qiymətə satılacağını bildirib. Başqa sözlə desək, iPhone 15 və iPhone 15 Plus modelləri müvafiq olaraq 799 dollar əvəzinə 999 dollar, 899 dollar əvəzinə də 1099 dollar qiymətinə təklif olunacaq. Eyni hal məhz iPhone 15 Pro və Pro max üçün də keçərlidir. Yəni müvafiq olarq bu smartfonlar 999 dollar əvəzinə 1199 dollar və 1099 dollar əvəzinə 1299 dollara təklif ediləcək. Həmçinin analitik bildirir ki, Apple bu il 235-240 milyon ədəd smartfon istehsal edəcək.
Təbii ki, iPhone 15 seriyasının daha baha qiymətə təklif edilməsi Apple brendinin bu ilki gəlirlərini artıracaq. Məşhur analitik şirkətin bazar dəyərinin 2.85 trilyon dollardan 3.5-4 trilyon dollara qədər artacağını da proqnozlaşdırıb. Lakin bu göstəricilər iPhone 15 seriyasının reklamından və performansından asılıdır.
