Beləliklə, Avropa Məhkəməsi daha iki texnologiya nəhəngini müxtəlif səbəblərdən ötəri yüksək məbləğlərdə cərimə ilə üz-üzə qoyacaq. Belə ki, Apple şirkətinin İrlandiyaya 13 milyard avro vergi ödəməsi barədə Avropa Məhkəməsi tərəfindən qərar təsdiq edilib. Məhkəmə həmçinin, Google-u alış-veriş xidmətində qaydaları pozduğuna görə 2,4 milyard avro cərimələyib. Ümumilikdə isə ABŞ mərkəzli Apple və Google şirkətləri Avropada 15.4 milyard avro cərimə ödəməli olacaqlar.
Avropa-nın ən yüksək məhkəməsi milyardlarla avroluq iddiaların söz mövzusu olduğu Apple və Google-a qarşı qərar çıxararaq Brüssel üçün iki böyük qələbə qazanıb. Qərarlar, AB məhkəmələrində verdiyi qərarlara görə bir sıra neqativlərlə üzləşmiş AB Rəqabət Şurasının sədri Marqret Vestageri dəstəkləyib. Avropa Birliyinin ən yüksək məhkəməsi olan Avropa Məhkəməsi uzun müddətdir davam edən hüquqi mübarizəni yekunlaşdıraraq iPhone istehsalçısının İrlandiyaya 13 milyard avro (14,3 milyard dollar) vergi borcunu ödəməsi barədə qərar verib.
Məhkəmə açıqlamasında, Ədalət Məhkəməsi məsələ ilə bağlı yekun qərarını verib və Avropa Komissiyasının 2016-cı il qərarını təsdiqləyib. “İrlandiya Apple-a qanunsuz yardım etdiyi üçün İrlandiya bu yardımı geri almalıdır” deyə məhkəmə qərar verib. Bir neçə dəqiqə sonra məhkəmə Google-a tətbiq edilən 2,4 milyard avro cəriməni də təsdiqləyib. Bu, texnologiya nəhənglərini hədəf alan Avropa Birliyinin rəqabət işlərindən biri hesab olunur. Məhkəmə, Google-un 2017-ci ildə axtarış sisteminə tətbiq etdiyi cəriməyə etirazını, özünün müqayisəli alış-veriş xidmətinə imtiyazlar verərək hakim mövqeyindən sui-istifadə etdiyi əsas gətirilərək rədd edib.
