Apple , iPhone modellərinin şarj cihazı ilə göndərilməsinin dayandırılması qərarına görə Braziliyada məhkəmə çəkişmələrini uduzmaqda davam edir. Belə ki, Sao Paulo Əyalət Məhkəməsi Braziliya Borcalanlar, İstehlakçılar və Vergi Ödəyiciləri Assosiasiyasının (AMBCC) açdığı iddiada verdiyi qərara əsasən, şirkətin ölkədə satılan iPhone telefonları ilə şarj cihazı təklif etməli olduğunu bildirib. Apple, qərardan şikayət edəcəyini söyləsə də göründüyü qədərilə öz istəyinə çata bilmir.
Apple müştəriləri şarj cihazı ilə təmin edəcək?
Apple, məhkəmədə karbon emissiyalarını azaltmaq məqsədi ilə iPhone modellərində şarj cihazları təklifini dayandırdığını söyləmişdi. Şirkət iddia edib ki, bir çox iPhone istifadəçisi illər ərzində şarj cihazına sahib olub. Şarj cihazlarını müstəqil şəkildə satılması isə daha məntiqlidir. Lakin məhkəmə şirkətin ətraf mühitlə bağlı bəyanatına müsbət baxmyıb.
Əksər ölkələrdə Apple çoxdandır iPhone modelləri adapter ilə göndərilmir və yalnız Lightning kabelini təklif edir. Şirkət bir müddətdir ki, bu məsələ ilə bağlı Braziliya hakimiyyəti ilə mübahisəsini həll edə bilməyib. Sentyabr ayında Braziliya Ədliyyə Nazirliyi Apple şirkətinə iPhone modellərini şarj cihazı olmadan satmağa qadağa qoyub və şirkəti cərimələmişdi. 2.38 milyon dollar cərimələnən şirkət Braziliyanın İstehlakçı Müdafiə Qanununu pozmaqda günahlandırılırdı.
Lakin buna baxmayaraq nə satışlarını dayandıran, nə də alıcılara şarj aləti verməkdə maraqlı olan şirkət heç bir qərarı diqqətə almır. Nəticədə dünən, Apple şirkəti 19 milyon dollarlıq daha təzminat cəzası alıb. Apple, bu qərara da etiraz edəcəyini bildirir. Məhkəmə isə Apple şirkətinin qarşısına təzminatdan əlavə olaraq iPhone 12 və daha yeni modelləri almış müştərilərə adapter verməli olduğunu bildirir. Keçən dəfəki ilə müqayisədə daha da böyüyən məsələdə kimin qalib olacağı, Apple şirkətinin mağazalarının məcburi şəkildə bağlanıb-bağlanmayacağı məlum deyil.
