4 ildən uzun müddətdir smartfonlar və bu sektorla bağlı müxtəlif yeniliklər paylaşan “Android Life Azerbaijan” səhifəsi özünün fəaliyyət sahəsini peşəkar şəkildə genişləndirmək məqsədilə yeni mərhələyə addım atır. Bəhs edilən resurs yeni qurulmuş “Tedroid” media şirkətinə inteqrasiya edilir. İnteqrasiya sonrası facebook səhifəsinin adının “Tedroid” olaraq dəyişdirilməsinə qərar verilir.
Android Life Azerbaijan Tedroid Media-ya inteqrasiya ediləcək
Yəni, birləşmə sonrası bəhs edilən Facebook səhifəsində təqdim olunan xəbərlər və daha çoxu Tedroid adı altına izləyicilərlə paylaşılacaq. Tedroid.com dünyada və ölkəmizdə baş verən ən son texnoloji yenilikləri ingilis və azərbaycan dilində oxucularına çatdıran media platforması olacaq. Əsas məqsədimiz Azərbaycan dilində keyfiyyətli və hamının başa düşəcəyi tərzdə məzmunlar yaratmaqdır. Bundan başqa, hədəfimiz tək yerli yox, həm də xarici arenada ölkəmizi təmsil etməkdir.
Qeyd edək ki, sərbəst bloq kimi fəaliyyət göstərən Android Life Azerbaijan və komandası bizimlə əlaqəyə keçərək Tedroid Medianın bir üzvü olmaq istəmişdir. İki media komandası olaraq güclərimizi birləşdirərək istifadəçilərə daha keyfiyyətli kontentlər təqdim etmək üçün bundan sonra birliktə işləyəcəyik. Əlavə olaraq, sosial media hesabları da birləşdirələrək Tedroid adı altında fəaliyyət göstərəcək. Bununla bağlı bəhs edilən resursun Facebook səhifəsində istifadəçilər üçün paylaşım edilmiş və yeni strategiya onlara bildirilmişdir.
Tedroid Media olaraq Android Life Azerbaijan ilə birliktə komandamızı böyüdərək daha peşakar işlər görməyi planlayırıq. Beləliklə, istifadəçilər ən yeni texnologiya ilə bağlı xəbərləri, məqalələri xarici mənbələrdən oxumaq əvəzinə öz dilimizdə, doğru tərcümə edilmiş şəkildə bizdən oxuya biləcəklər. Həmçinin, növbəti mərhələlərdə sadəcə Azərbaycan bazarında yox, Qlobal bazarda da Tech Media kimi fəaliyyət göstərməyi planlayırıq. Android Life Azerbaijan da bu istiqamətdə atdığımız ilk addımlardan biridir. Bu səbəblə işlər görülməyə başlanıb artıq. Bütün bunlardan başqa, istifadəçilərə təqdim etmək üçün bəzi xidmət modellərimiz də növbəti zamanlarda mövcud olacaq. Əsas hədəfimiz bir çox texnologiya sevən insanın bir nöqtədə birləşdiyi, söhbət etdiyi nəhəng bir platformaya çevrilməkdir. Hədəflərimizi gerçəkləşdirmək üçün bizə dəstək olmağı və həmçinin bizi izləməyi unutmayın. Tedroid – Tech or Nothing!
