Beləliklə, bütün itirilmiş Android cihazları tapmaq mümkün olacaq. Google şirkətinin Android üçün yeni Cihazımı Tap şəbəkəsi mövcud Cihazımı Tap xidmətinə əsas təkmilləşdirmə kimi təqdim edilir. Yeni şəbəkə, itirilmiş cihazınızı internet və məkandan istifadə etmədən tapacaq. Ümumiyyətlə, Google artıq uzun müddətdir ki, Android üçün Cihazımı tap xidmətindən istifadə edir. Bu funksiya telefonunuzun internetə qoşulu olduğu halda harada olduğunu öyrənməyə imkan verir.
Yeni Cihazımı Tap şəbəkəsi, təxminən bir il əvvəl Google I/O-da elan edilmişdi. İndi aktivləşdirilən Cihazımı Tap şəbəkəsi, itirilmiş Android cihazınızı internet və məkan xüsusiyyətlərinə malik olub-olmamasından asılı olmayaraq tapmağa imkan verir. Buna görə də, Cihazımı Tap şəbəkəsi mövcud Cihazımı Tap xidmətinin xeyli təkmilləşdirilmiş versiyası hesab olunur.Cihazımı tap şəbəkəsi, istifadəçilərə smartfonlar, ağıllı saatlar və təqib cihazlarından əlavə qulaqlıqlar kimi cihazlar da daxil olmaqla itirilmiş əşyaları tapmağa kömək etmək üçün Google Play Xidmətlərinə sahib milyardlarla Android cihazından istifadə edir.
Bu funksiyanın tam işləməsi üçün oflayn Android cihazları söndürüldükdə siqnalları yayımlaya bilməlidir. Lakin bu zaman, müəyyən növ Bluetooth nəzarətçisinə və onu dəstəkləmək üçün avadanlığa ehtiyac yaradır. Bütün maneələrə baxmayaraq, Google nəhayət oflayn istifadə üçün Cihazımı Tap mövzusunda irəliləyiş əldə edib. Çünki Google Play Xidmətlərinin beta (v24.12.14) versiyasına çıxışı olanların bəziləri indi “Cihazımı tap” funksiyasını oflayn rejimdə istifadə etmək seçiminin peyda olduğunu bildirirlər. Hələlik bu yenilik rəsmi olaraq elan edilməsədə, onun tezliklə istifadəyə veriləcəyi bildirilir. Çox güman ki, Android 15 ilə yeni xidmət geniş istifadəyə veriləcək.
