Avropa Kosmik Agentliyi (ESA) iki hissədən ibarət olan Proba-3 kosmik gəmisini orbitdə mükəmməl uyğunlaşdıraraq, süni günəş tutulmaları yaratmağı hədəfləyir. Aprelin 8-də baş verəcək tam Günəş tutulması elm adamlarına Günəşin naməlumlarla dolu tacını araşdırmaq üçün nadir və qısa bir pəncərə açacaq. Qeyd edək ki, Günəşin görünən səthindən milyonlarla kilometr yüksəklikdə uzanan Günəş atmosferinin ən kənar hissəsi olan tac tutulma zamanı zəif ağ parıltı kimi görünəcək. Bu, isə alimlərə müşahidə üçün mühüm imkan yaradacaq.
Maraqlısı budur ki, heç bir tutulma olmadığı zaman müşahidələr aparmaq üçün Avropa Kosmik Agentliyi (ESA) iki hissədən ibarət olan Proba-3 kosmik gəmisi ilə süni günəş tutulmaları yaratmağı hədəfləyir. Beləliklə, Avropa Kosmik Agentliyinin (ESA) qarşıdan gələn Proba-3 missiyası kosmosda süni tutulma yaradaraq müşahidələr aparmağa imkan verəcək. Proba-3 missiyası orbital günəş tutulmasını yerinə yetirmək üçün istəkdən asılı olaraq mükəmməl uyğunlaşa bilən bir cüt peykdən ibarətdir. Süni günəş tutulmasının meydana gəlməsi üçün kosmik gəminin hər iki hissəsi də peyk naviqasiyası, radio əsaslı peyk əlaqələri, kameralar və lazer vasitəsilə millimetr dəqiqliyinə uyğunlaşdırılmalıdır.
ESA texnologiya direktoru Dietmar Pilz bildirir ki, kosmik gəminin hər iki hissəsini 150 m uzunluğunda nəhəng bir vasitə kimi hərəkət etdirmək son dərəcə çətindir. Həmçinin agentliyin sözlərinə görə, cihazlar 19 saat 36 dəqiqə orbitinin hər biri üçün altı saat tutulma müşahidə etməyə imkan verəcək. Alimlərin Günəş tacını öyrənmək tələbinin səbəbi əslində onun Günəş sistemindəki havaya təsiridir. Günəşin səthindən daha isti olan tacın günəş küləklərinin əmələ gəlməsində və tac kütləsinin atılmasında rolu mövcuddur. ESA həmçinin Günəşin ümumi enerji çıxışını Proba-3 ilə ölçəcəyini deyir. Açıqlamaya görə, “Proba-3” missiyasının sentyabrda orbitə buraxılması nəzərdə tutulur.
