Müasir dövrdə robotexnika sahəsi sürətlə inkişaf edir və bir çox qabaqcıl şirkət anbarlarında ağıllı robotlardan istifadə edir. 1994-cü ildə Ceff Bezos tərəfindən ABŞ-ın Sietl şəhərində qurulan Amazon şirkəti bu gün yeni Amazon Sparrow ağıllı robotu ilə qarşımıza çıxıb. Belə ki, dünyanın ən böyük ticarət şirkətlərindən biri olan Amazon öz anbarlarında daha sürətli və daha səmərəli fəaliyyət göstərdikləri üçün ağıllı robotlardan istifadə edir. indi isə şirkət anbarlarında yeni ağıllı robotundan istifadə etməyi planlaşdırır. Bu robotun anbarlardakı əsas vəzifəsi məhsulları ayırararaq uyğun qablaşdırmalara yığmaqdır. Yeni robotların ərsəyə gəlməsi anbarlarda işləyən insanların işlərini itirməsinə zəmin yaradır. Belə ki, 10 il öncəyə baxsaq şirkətin anbarlarında minlərlə işçinin işlədiyini görə bilərdik. İndi isə bu rəqəm əhəmiyyətli dərəcədə azalıb və azalmağa davam edir.
Yeni Amazon Sparrow ağıllı robotunun xüsusiyyətləri
Amazon Sparrow ağıllı robotu Amazonun anbar sistemlərində müxtəlif ölçülü əşyaları aşkarlaya bilən, və onları insan müdaxiləsi olmadan toplayıb emal edə bilən ilk robot kimi qeydə alınıb. Həmçinin bu ağıllı robot süni intellektdən də istifadə edir. Robot anbarlarda olan milyonlarla məhsulun 65%-ni müəyyən edib qablaşdırmaq qabiliyyətinə malikdir. Müqayisə üçün qeyd edək ki, şirkətin əvvəllər istifadə etdiyi robotlar sadəcə 15 müxtəlif ölçülü məhsulu aşkar edə bilirdi. Yeni ağıllı robot anbardakı məhsulları aşkar edib qablaşdırmaq üçün bir sıra sensorlarla təchiz olunub.
Qeyd etdiyimiz kimi, bir çox şirkət artıq robotlardan daha çox istifadə etməyə başlayıb. Bu şirkətlərdən biri olan Amazon şirkəti də robotexnika sahəsi üzrə gün keçdikcə inkişaf edir. Amzon e-ticarət şirkəti olduğu üçün gündəlik olaraq anbarlarında milyonlarla məhsulu qablaşdırmaq lazım gəlir. Şirkət bu vəzifəni tamamilə robotlarla yerinə yetirmək istəyir. Şirkət bununla yanaşı həmçinin dronlar vasitəsilə çatdırılma xidmətinin üzərində işləməyə başlayıb.
