ABŞ-da Prime istifadəçiləri üçün xüsusi olan RxPass adlanan xidmət istifadəçilərə istədikləri qədər dərman almaq imkanı verir. Xidmət başlanğıcda yüksək qan təzyiqi kimi narahatlıqların müalicəsində istifadə olunan dərmanları əhatə edir. Amazon Aptek Baş Tibb Direktoru Dr. Vin Qupta bildirir ki, ABŞ-da 150 milyondan çox insan RxPass-ın portfelində dərman alıb. Bundan əlavə, aylıq ödəniş 5 dollar olaraq sabit qalır və dəyişmir.
Keçən Noyabr ayında sağlamlıq sahəsində gördüyü işlərlə diqqət çəkən Amazon-un Youtube kanalından bir video sızmışdı. Amazonun yeni sağlamlıq xidməti təklif etməyə başlayacağı deyilirdi. Belə ki, sağlamlıq sektorunda da varlığını gücləndirməyə çalışan şirkətin Amazon Clinic bölməsi haqqında da təfərrüatlar videoda dərc edilib.
2022-ci ilin iyul ayında səhiyyə sektorundakı mövqeyini daha da möhkəmləndirmək üçün Amazon mühüm bir alış etmişdi. Şirkət ilkin səhiyyə xidmətinə diqqət yetirən One Medical-i 3,9 milyard dollara alıb. Bu sərmayə indi RxPass xidməti ilə gündəmə gələn Amazon-un Covid-19 pandemiyasından sonra səhiyyəyə ən böyük sərmayəsi kimi təsvir edilib. Həmçinin, Amazon 2018-ci ildə PillPack rəqəmsal aptekini amışdı.
Dərmanların yüksək qiyməti ABŞ səhiyyə sisteminin köklü problemlərindən biridir. Araşdırmalar göstərib ki, ölkədə dörd və ya daha çox reseptlə yazılan dərmanlardan istifadə edənlərin 32%-i onları almaqda çətinlik çəkir. Buna görə də bir çox təşəbbüslər dərman xərclərini azaltmaq məqsədi daşıyır. 70 000 aptekdən müxtəlif məlumatlar toplayan və daha ucuzunu tapmaq üçün dərman qiymətlərini müqayisə edən GoodRx xidmət də onlardan biridir.
RxPass xidmətinə başlayan Amazon keçən mart ayında şirkətin rəqəmsal aptek platforması vitaCare-ni da 150 milyon dollara aldığını elan etdi. 2022-ci ilin ortalarına qədər başa çatdırılması gözlənilən müqavilə ilə şirkət rəqəmsal əczaçılıq biznesini inkişaf etdirməyi hədəfləyir. Şirkət həmçinin əczaçılıq istehsalçılarına xidmətlərini genişləndirmək üçün vitaCare-dən istifadə etməyi planlaşdırır.
