Beləliklə, Avropada elektrikli avtomobillərin istehsalı ilə bağlı yeni bir hesabat hazırlanıb. Maraqlısı budur ki, Almaniya elektromobil istehsalında Avropa lideri adını qazanmağı bacarıb. Almaniyada yerləşən avtomobil istehsalçıları 2023-cü ildə təxminən 1,27 milyon BEV və PHEV avtomobilləri istehsal ediblər. Bu nəticə ilə Avropanın istehsal lideri Almaniya Çindən sonra dünya üzrə ikinci yerdə qərarlaşıb. Alman Avtomobil Sənayesi Assosiasiyası VDA, 2023-cü ildə Almaniyada 995 min tam elektrikli avtomobilin istehsal ediəcəyini bildirmişdi.
Bununla belə, hələ də qlobal elektrik avtomobil istehsalında Çin üstünlük təşkil edir, lakin Çində istehsal olunan avtomobillərin əksəriyyəti ölkə daxilində satılır. Almaniyada istehsal olunan elektrik avtomobillərinin 76 faizi isə xaricə gedir. ABŞ dünyanın üçüncü ən böyük elektrik avtomobil istehsalçısı olduğu halda, ABŞ mərkəzli Tesla Almaniyada elektrik avtomobilləri istehsal edən şirkətlər sırasındadır. Xatırladaq ki, Teslanın Almaniya fabriki keçən ay 5G videosu ilə gündəmə gəlmişdi. Paylaşılan videoda Tesla-nın Almaniya fabrikində (Giga Berlin) qurduğu özəl 5G şəbəkəsinin üstünlüklərindən bəhs edilirdi.
Avtomobil istehsalında özəl 5G şəbəkəsini geniş miqyasda istifadə edən ilk şirkətlərdən biri olduqlarını ifadə edən Tesla, qurulan infrastrukturla fabrikdəki maşınların davamlı olaraq aşağı gecikmə və yüksək stabilliklə işləyə bildiyini bildirir. Ümumiyyətlə, Avropa Birliyi gələcəkdə elektrikli avtomobillərin daha çox istehsal olunmasının və dünya üzrə liderliyi ələ almaq niyyətindədir. Məhz bu səbəbdən, Avropa Birliyi Çin mərkəzli elektromobillər üçün yeni yüksək vergi dərəcələrini qüvvəyə mindirib.
