ABŞ Senatı, ByteDance-a TikTok-u ayırmadığı təqdirdə platformanı qadağan etməyə imkan verən qanunu qəbul edib. Ümumiyyətlə, son zamanlarda həm ABŞ, həm Avropa Birliyi, həm də Böyük Britaniyada qanunvericilər bazarda dominantlıq quran iri şirkətlərə qarşı qərarlar qəbul edirlər. Bu qərarlara tətbiqlərin digər şirkətlər üçün əlçatan olması və böyük şirkətlərin daha kiçik şöbələrə bölünməsi ilə bağlı olur. Nəhayət, uzun müddətdir gözlənilən “TikTok qadağası” ABŞ-da konqres tərəfindən qəbul edildi, indi Baydenin imzası ilə qanun qüvvəyə minə bilər.
Qeyd edək ki, ABŞ-da bununla bağlı əvvəlki qanun layihəsi 352 lehine və 65 əleyhinə səs toplamaqla qəbul edilsə də, sonradan layihənin qanuna çevrilməsi prosesi uzun çəkmişdi. Yeni qanun təklifi isə Rusiya kimi ölkələrə qarşı Ukraynaya ediləcək yardımlarla bağlı qanun layihəsi ilə birlikdə qiymətləndirilib. TikTok-un bu qanuna daxil edilməsinin səbəbi, ABŞ siyasətçilərinin fikrincə, ByteDance-in Çin Hökuməti ilə əməkdaşlıq etməsi və hətta Çin Kommunist Partiyası tərəfindən idarə olunmasıdır. Bu qanun layihəsi ABŞ Senatı tərəfindən 360 “hə” və 58 “xeyr” səsi ilə qəbul edilib.
ABŞ prezidenti Bayden qanunu imzaladıqdan sonra, ByteDance TikTok-u satmaq üçün bir illik müddətə sahib olacaq. İlkin olaraq 9 aylıq müddətdən sonra əgər ByteDance satış müqaviləsi mərhələsində olarsa onda bu müddət daha 3 ay uzadılacaq. Əks halda isə ölkədə “TikTok qadağası” qüvvəyə minəcək. Əgər dəyişiklik edilməzsə, bu qanun layihəsi Baydenə göndəriləcək. Xatırladaq ki, Bayden daha əvvəl TikTok üçün tənzimləmə təklifi gələrsə, ona imza atacağını bildirmişdi.
