ABŞ Enerji Departamenti (DOE) Amerikanın yüksək məhsuldar hesablama sahəsində liderliyini qoruyub saxlamağı hədəfləyir. Belə ki, bu çərçivədə ABŞ Enerji Departamenti (DOE), indiyədək mövcud olan ən güclü superkompüter hazırlayacaq.
2022-ci ildə dünyanın ilk ictimaiyyətə açıq olan exascale sinif kompüteri Frontier elan edilmişdi. AMD tərəfindən dəstəklənən bu superkompüter 2024-cü ilin iyun ayından etibarən dünyanın ən güclü superkompüteri olmağa davam edir. Bununla belə, ABŞ Enerji Departamenti (DOE) Discover adlı yeni superkompüterlə Frointier-i əhəmiyyətli fərqlərlə ötmək istəyir. ABŞ-da Oak Ridge Milli Laboratoriyasında (ORNL) yerləşən Frontier artıq exascale sinifli yeganə kompüter olmasa da, ən güclüsü olaraq qalır.
1206 exaflops kimi inanılmaz yüksək nəzəri emal gücünə malik olan sistem 3-cü Nəsil AMD EPYC CPU və AMD Instinct MI250X sürətləndiricilərinə malikdir. Qeyd edək ki, onun nüvələrinin ümumi sayı təxminən 8,7 milyondur. Bununla belə, DOE tərəfindən planlaşdırılan Discovery superkompüterinin Frontier-dən 3-5 dəfə sürətli olacağı gözlənilir. Avqustun 30-dək Discovery ilə bağlı maraqlı tərəflər öz təkliflərini irəli sürəcək. Superkompüterin quraşdırma prosesləri isə daha sonra başlayacaq və 2028-ci ilin əvvəlində Oak Ridge Milli Laboratoriyasına (ORNL) çatdırılacaq. Discovery, hesablama gücü qabiliyyəti ilə müxtəlif sahələrdə elmi araşdırmalarda inqilab etmək potensialına sahib olacaq. Sistem iqlim dəyişikliyinin proqnozlaşdırılması, dərmanların kəşfi, yüksək enerji fizikası və yaşıl enerji həllərində istifadə olunacaq.
