Gündən günə təkmilləşən texnologiya sahəsi getdikcə təhlükəli hal alır. Məhz bu səbəbdən də Avropa Birliyi bəzi onlayn platformalar ilə bağlı yeni qərar qəbul edib. Belə ki, Avropa Birliyi, rəqəmsal xidmətlər qanunu (DSA) çərçivəsində 19 onlayn platformanı təyin edərək onlara sərt şəkildə nəzarət edəcək. Ümumiyyətlə Avropa Birliyi təkmilləşən süni intellektdən və platformaların hədəflədiyi reklamlardan narahatdır. Rəqəmsal xidmətlər qanunu ilə isə bu nüanslar tənzimlənəcək. Qeyd edək ki, 19 onlayn platformaya demək olar ki, hamımızın gündəlik istifadə etdiyi platformalar daxildir. Ona görə ki, siyahıda olan platformalar çox böyük axtarış mühərrikləri yəni VLOSE ilə təchiz edilib. Avropa Birliyi rəqəmsal xidmətlər qanununa görə isə VLOSE meyarına cavab verən onlayn platformalar 45 milyondan çox aylıq aktiv istifadəçiyə sahib olmalıdır.
Avropa Birliyi rəqəmsal xidmət qanununa görə hesabatlılığı təmin etmək üçün siyahıya alınan onlayn platformalar şəffaflığı əsas tutmalıdır. Hətta platformalardakı reklamlar da şəffaf olmalıdır. Qeyd edək ki, şəffaf fəaliyyət göstərmək istəməyən platformalar qanun çərçivəsində cəzalandırıla bilər. Həmçinin Avropa Birliyi 19 onlayn platformaya yeni qanunlara uyğunlaşması üçün 25 avqust tarixinə qədər vaxt verib. Qeyd edək ki, bütün platformalardakı reklamlar həssas məlumatları, uşaq məlumatlarını hədəf ala bilməz. Həmçinin platformalar istifadəçilərin şəxsi məlumatlarına əsasən onlara təqdim etdiyi məzmunu niyə görə tövsiyə etdiyini də əsaslandırılmalıdır.
Avropa Birliyi rəqəmsal xidmətlər qanununa əsasən tənzimlənəcək onlayn platformalar aşağıdakılardır:
- Alibaba AliExpress
- Amazon mağazası
- Apple AppStore
- Bing Deca
- Booking.com
- Google Play
- Google Maps
- Google Search
- Google Shopping
- İnstagram
- Linkedın
- Snapchat
- TikTok
- Tvitter
- Vikipediya
- YouTube
- Zalando
